وه‌زاره‌تی سامانه‌ سروشتییه‌كان به‌بێ وه‌زیر مایه‌وه‌

.

وه‌زاره‌تی سامانه‌ سروشتییه‌كانی هه‌رێمی كوردستان، تاكه‌ وه‌زاره‌ته‌ كه‌ له‌ كابینه‌ی نوێدا به‌بێ وه‌زیر ماوه‌ته‌وه‌ و عه‌بوڵڵا عه‌بدولڕه‌حمان عه‌بوڵڵا  (ئاشتی هه‌ورامی) وه‌ك وه‌زیری سێ باره‌ ناوی پێشكه‌ش نه‌كراوه‌.

به‌گوێره‌ی زانیاری میدیاكان، وه‌زاره‌تی سامانه‌ سروشتییه‌كان كه‌ پشكی شارتی دیموكراتی كوردستانه‌ ، یه‌كلا نه‌كراوه‌ته‌وه‌ كه‌بڕیاربوو جارێكی دیكه‌ عه‌بوڵڵا عه‌بدولڕه‌حمان عه‌بوڵڵا  (ئاشتی هه‌ورامی) له‌هه‌مان پۆستدا بمێنێته‌وه‌، به‌ڵام له‌لیستی كاندیده‌كانی كابینه‌ی نوێدا نه‌بوو كه‌ مه‌سرور بارزانی راسپێردراو بۆ كابینه‌ی نوێ، ئه‌مڕۆ 10-7-2019، بۆ متمانه‌دان به‌ كابینه‌كه‌ی پێشكه‌شی په‌رله‌مانی كرد.

له‌ڕێوڕه‌سمی متمانه‌و سوێند خواردنی وه‌زیره‌كاندا، وه‌زاره‌تی سامانه‌ سروشتییه‌كانی حكومه‌تی هه‌رێم به‌ به‌تاڵی مایه‌وه‌ و كاندیدی وزاری پێشكه‌ش نه‌كرا و 21 وه‌زیر و سێ وه‌زیری هه‌رێم سوێندی یاساییان خوارد.

رێوڕه‌سمه‌كه‌ له‌ بڕگه‌ی یه‌كه‌مدا ڤالا فه‌رید وه‌ك سه‌رۆكی په‌رله‌مان به‌ڕێوه‌ی برد و له‌ رێوڕه‌سمی سوێنخواردندا مه‌سرور بارزانی و تیمی وزاری كابینه‌كه‌ی له‌به‌رده‌م جێگری سه‌رۆكی په‌رله‌ماندا سوێندی یاساییان خوارد و ڤالا فه‌ریدیش وه‌ك وه‌زیری هه‌رێم سوێندی خوارد.

ناوی وه‌زیره‌كانی كابینه‌ی نوێ......

PUKmedia تایبه‌ت