سەنگاو.. لەسەر كێشەی زەوی و زار دوو برا دەكوژرێن

.

لەگوندی هەزاركانی سنوری ناحیەی سەنگاو لەسەر كێشەی زەوی و زار شەڕ لەنێوان دوو بنەماڵەدا دروستدەبێت كە ئامۆزای یەكترن و بەهۆی تەقەكردنیشەوە دوو كەس كوژراون كە برای یەكترن.

رەمەك رەمەزان قائیمقامی قەزای چەمچەماڵ لەبارەی رووداوەكەوە بە PUKmediaی راگەیاند: ئێوارەی ئەمڕۆ 9ی تەموزی 2019، لەگوندی هەزاركانی سەر بەناحیەی سەنگاو لەنێوان دوو بنەماڵەدا كە ئامۆزای یەكترن لەسەر كێشەی زەوی و زار دەمەقاڵەو شەڕ رویداوەو تەقەكراوە، بەهۆی تەقەكردنەكەشەوە دوو كەس كوژراون.

وتیشی: ئەو دوو كەسەی كوژراون برای یەكترن و ناویان (ت.ف.م) و (م.ف.م) و تەمەنیان لەنێوان 30 بۆ 35 ساڵاندایەو لەسەر رووداوەكەش هیچ كەسێك دەستگیرنەكراوە.

قائیمقامی چەمچەماڵ راشیگەیاند: ئێستا لەناوچەكەین و لەلایەن هێزەكانی پۆلیس و ئاسایشەوە دۆخەكە كۆنترۆڵكراوەو لەگەڵ كەسایەتیەكانی ناوچەكەوە سەرقاڵی چارەسەری كێشەكەین تا گەورەتر نەبێت.

PUKmedia تایبەت