سلێمانی: پێدانی ئاو بەهاووڵاتیان زیاد دەكات

.

پێدانی ئاو لەچەند گەڕەكێكی شاری سلێمانی زیادیكردووە، وتەبێژی بەڕێوەبەرایەتی ئاوی سلێمانیش رایدەگەیەنێت: لەچاكسازیكردن و هەوڵداین بۆ هاوسەنگیكردنی پێدانی ئاو لەسەرجەم گەڕەكەكانی شاری سلێمانی.

ئامانج جەلال وتەبێژی بەڕێوەبەرایەتی ئاوی سلێمانی بە PUKmedia ی راگەیاند: هۆكاری زیاد بوونی پێدانی ئاو بەهاووڵاتیان لەهەندێك گەڕەكی شاری سلێمانی دەگەڕێتەوە بۆ چاكسازیكردن بەهەوڵ و ماندووبونی كارمەندان و بەڕێوەبەرایەتیمان.

وتیشی: لەئێستادا بەشێكی كەم لەگەڕەكەكانی شاری سلێمانی رۆژ نا رۆژێك ئاویان بۆ بەردەدرێتەوە و ئەمەش هەنگاوی یەكەمە كە دەستمان پێكردووە.
ئامانج جەلال راشیگەیاند: چاكسازیكردن و هەوڵدان بۆ هاوسەنگیكردنی پێدانی ئاو لەسەرجەم گەڕەكەكانی شاری سلێمانی بەردەوامە، بەڵام نازانین كە سەركەوتوو دەبین یاخود نا.

PUKmedia  تاژاو محەمەد