16هەزار دۆنم پوش و پاوان دەسووتێت

.

لە سنوری  ناحیەی گەرمك و بەرزنجە زیاتر لە (16,000) هەزار دۆنم پوش و پاوان  سووتا.

رووداوی ئاگركەوتنەوە یەكێكە لەو دیاردانەی . ساڵانە چەند جارێك دووبارە دەبنەوە و لەگەڵ ئەوەی كوژاندنەوە و كۆنترۆڵ  كردنیان كارێكی زەحمەتە هاوكات زیانێكی زۆر بەسروشت و ژینگەی كوردستان دەگەیەنێت بەو هۆكارەوە لەسنوری ناحیەی گەرمك و  بەرزنجە  زیاتر  (16,000) هەزار  دۆنم پوش و پاوان سووتاوە.

لەو بارەیەوە عەمیدی پۆلیس هێمن كەمەرخان ئەفەندی بەڕێوەبەری راگەیاندنی بەرێوەبەرایەتی پۆلیسی دارستان و ژینگەی پارێزگای  سلێمانی ڕایگەیاند : لەدوو  ڕوداوی جیاوزدا لە سنوری گوندەكانی (شەیان میشیاو- نەرمەڵاس و شیرە ) سەر بە ناحیەی گەرمك دوو ڕووداوی ئاگر كەوتنەوە كە یەكێكیان لە سنوری ڕۆژهەڵاتی كوردستانەوە هاتووە و ئاگرەكەی تریش هۆكارەكەی نادیارە و لە پوش و پاوان و دارستانی ناوچەكە كەوتۆتەوە و بووە هۆی سوتانی  نزیكەی   (15,000) هەزار دۆنم پوش و پاوان و دارستانی سنورەكە، ئەفسەر و كارمەندانی بنكەی پۆلیسی دارستانی گەرمك بە هاوكاری لەگەڵ بەش و بنكەی پۆلیسی دارستانی پێنجوێن و ناڵپارێز هەروەها بە هاوكاری ( ڕێكخراوی ملەكەوە  ) توانیان ئاگرەكە بكوژێنەوە و كۆنتڕۆڵی بكەن.

لە لایەكی ترەوە  ئاگریكی بەرفراوان  كەوتەوە لەسنوری گوندی (مایاوا/ دەرەتەت / مۆریاس ) لە سنوری بەرزنجە   دەست بەجێ مەفرەزەكانی بنكەی  پۆلیسی دارستان و ژینگەی بەرزنجە  گەیشتە شوێنی ڕووداوەكە  توانیان بەهاوكاری بنكەی پۆلیسی بەرزنجە ئاگرەكە كۆنترۆڵ بكرێت زیانی ئاگرەكە  زیاتر لە  (1000) هەزار دۆنم  پوش و پاوان سوتان و داری سروشتی سوتا . هۆكاری ئاگركەوتنەوەكە نادیارە بەدواداچون بۆ ڕووداوەكە بەردەوامە .

عەمید هێمن لە پەیامێكیشدا بۆ هاووڵاتیان رایگەیاند: با بەهەموومان ژینگەی و سروشتی كوردستان بپارێزین بەتایبەتی لەم وەرزەدا هاووڵاتیان ڕوو دەكەنە دەشت و چیا كان زۆر دڵنیابن لە پاشماوەی  ئاگرو پشكۆ لە دوای خۆیان بەجێ نەهێڵن بۆ ئەوەی كارەساتی گەورە ڕوونەدات.      

                                               
PUKmedia راگەیاندنی پۆلیسی دارستان وژینگەی سلێمانی