ئه‌ڵمانیا داواكه‌ی ئه‌مریكای ره‌تكرده‌وه‌

.

دوای ئه‌وه‌ی جێمس جیڤری نوێنه‌ری تایبه‌تی ئه‌مریكا له‌رۆژهه‌ڵاتی ناوه‌ڕاست بۆ شه‌ڕی داعش داوای له‌ئه‌ڵمانیا كردبوو، كه‌ هێزی زه‌مینی ره‌وانه‌ی سوریا بكه‌ن، داواكه‌ی ره‌تكرایه‌وه‌.

 رالیف مۆتنزیش سه‌رۆكی حزبی سۆسیاڵ دیموكراتی ئه‌ڵمانیا، له‌په‌رله‌مانی ئه‌و وڵاته‌ رایگه‌یاندوه‌:" به‌هیچ شێوه‌یه‌ك پشتیوانی ئه‌و داوایه‌ ناكه‌ین و دژی ده‌وه‌ستینه‌وه‌".

راشیگه‌یاندوه‌:" ته‌نها پێمان باشه‌ له‌ڕووی هێزی ئاسمانیه‌وه‌ پشتیوانی هاوپه‌یمانی نێوده‌وڵه‌تی دژ به‌داعش بكرێت". 

ئه‌ڵمانیا ژماره‌یه‌ك راوێژكارو راهێنه‌ری سه‌ربازیشی له‌هه‌رێمی كوردستانه‌ بۆ مه‌شقكردن به‌هێزه‌كانی پێشمه‌رگه‌.

PUKmedia ئاژانسه‌كان