چۆنیه‌تی نوێكردنه‌وه‌ی مۆڵه‌تی شۆفێری

.

به‌ڕێوه‌به‌رایه‌تیی ھاتوچۆی سلێمانی، چۆنیه‌تیی نوێكردنه‌وه‌ی مۆڵه‌تی شۆفێری بۆ سه‌رجه‌م شۆفێران بڵاو كرده‌وه‌.

ئه‌مڕۆ سێشه‌ممه‌ 9/7/2019، به‌ڕێوه‌به‌رایه‌تیی ھاتوچۆی سلێمانی، چۆنیه‌تیی نوێكردنه‌وه‌ی مۆڵه‌تی شۆفێری بڵاوكرده‌وه‌، تێیدا باس له‌وه‌ كراوه‌ خاوه‌ن مۆڵه‌ت ده‌توانێت مانگێك پێش به‌سه‌رچوونی مۆڵه‌ته‌كه‌ی بۆ نوێكردنه‌وه‌ی مۆڵه‌ته‌كه‌ی سه‌ردانی به‌ڕێوه‌به‌رایه‌تی بكات.

ھه‌نگاوه‌كانی نوێكردنه‌وه‌ی مۆڵه‌تی شۆفێری..
- نوێكردنه‌وه‌ی پشكنینی چاو پێش سه‌ردانكردنی به‌ڕێوه‌به‌رایه‌تیی ھاتوچۆ.
- پێویسته‌ له‌كاتی سه‌ردانیكردن ئه‌م پێداویستییانه‌ له‌گه‌ڵ خۆی بھێنێت:
ناسنامه‌ی باری شارستانی، ڕه‌گه‌زنامه‌ی عێراقی، كارتی زانیاری، یان كارتی نیشتیمانی و كارتی زانیاری (ڕه‌سه‌نه‌كان و كۆپیی ڕه‌نگاوڕه‌نگ)، پشكنینی چاو و دوو وێنه‌. ھه‌روه‌ھا مۆڵه‌ته‌ كۆنه‌كه‌ی.
- نوێكردنه‌وه‌ی مۆڵه‌ت: 40 ھه‌زار دینار
- سزای به‌سه‌رچوونی مۆڵه‌ت: 15 ھه‌زار دینار

PUKmedia راگه‌یاندنی هاتوچۆی سلێمانی