وه‌زیرانی دارایی و نه‌وت بانگهێشتی په‌رله‌مان ده‌كرێن

.

بڕیاره‌ رۆژی پێنجشه‌ممه‌ له‌كۆبوونه‌وه‌ی ئه‌نجومه‌نی نوێنه‌رانی عیراقدا هه‌ردوو وه‌زیری دارایی وه‌زیری نه‌وت ئاماده‌بن.

له‌و باره‌یه‌وه‌ حه‌سه‌ن ئاڵی ئه‌ندامی ئه‌نجومه‌نی نوێنه‌رانی عیراق له‌ فراكسیۆنی یه‌كێتی،به‌ PUKmedia ی راگه‌یاند: رۆژی پێنج شه‌ممه‌ كۆبوونه‌وه‌ی ئه‌نجومه‌نی نوێنه‌ران له‌باره‌ی پرۆژه‌ یاسای بودجه‌ كۆده‌بێته‌وه‌و بڕیاریشه‌ هه‌ردوو وه‌زیری دارایی و وه‌زیری نه‌وت بانگهێشتی كۆبوونه‌وه‌كه‌ بكرێن.

وتیشی: مه‌به‌ست له‌بانگهێشتكردنی ئه‌و دوو وه‌زیره‌ بۆ ئه‌وه‌یه‌ كه‌ ئاخۆ حكومه‌تی هه‌رێم پابه‌ند ده‌بێت به‌ناردنی 250 هه‌زار به‌رمیل نه‌وتی رۆژانه‌ له‌رێگه‌ی حكومه‌تی مه‌ركه‌زییه‌وه‌ یاخود نا.

ئه‌وه‌شی خسته‌ڕوو: سبه‌ینێ سه‌رجه‌م كوتله‌كان له‌سه‌ر پرۆژه‌یاسای بودجه‌ كۆده‌بنه‌وه‌و پێشنیاره‌كانیان له‌و باره‌یه‌وه‌ ده‌ده‌نه‌ لیژنه‌ی دارایی، بۆئه‌وه‌ی له‌كۆبوونه‌وه‌ی رۆژی پێنجشه‌ممه‌دا گفتوگۆی له‌باره‌وه‌ بكرێت.

PUKmedia تایبه‌ت