ئاگرێك له‌پێنجوێن ده‌كه‌وێته‌وه‌

.

له‌ئێواره‌ی ئه‌مڕۆوه‌ دووشه‌ممه‌، ئاگرێكی گه‌وره‌ سنووری قه‌زای پێنجوێنی گردوه‌ته‌وه‌و داوای هاوكاری ده‌كرێت بۆ كۆنترۆڵكردنی.

به‌پێی زانیارییه‌كانی PUKmedia ئاگره‌كه‌ گونده‌كانی سریستان و نه‌رمه‌ڵاسی له‌قه‌زای پێنجوێن گرتوه‌ته‌وه‌و به‌ره‌و گونده‌كانی دراوسێیان ده‌ڕوات،

له‌وچوارچێوه‌یه‌شدا چه‌ند ئه‌ندامێكی رێكخراوی مله‌كه‌وه‌ به‌ره‌و شوێنی ئاگره‌كه‌ به‌ڕێكه‌وتوون و له‌رێگه‌ی PUKmedia وه‌، داوا له‌ لایه‌نه‌ په‌یوه‌ندیداره‌كان و هاووڵاتیان ده‌كه‌ن هاوكاری یه‌كبن له‌كۆنترۆڵكردنی ئاگره‌كه‌، تا زیانی زیاتر به‌سروشتی ناوچه‌كه‌ نه‌گات.

هه‌روه‌ها تیمه‌كانی به‌رگری شارستانی پێنجوێن له‌هه‌وڵی كۆنترۆڵكردنی ئاگره‌كه‌ن.

PUKmedia تایبه‌ت