riklam

راكان جبوری دوو ژن و 22 منداڵی هه‌یه‌

عیراق 01:27 PM - 2019-07-08
.

.

راكان جبوری پارێزگاری كه‌ركوك به‌ وه‌كاله‌ت خاوه‌نی دوو ژن و 22 منداڵه‌ و خه‌ڵكی شاره‌كه‌ی خۆی پێی ده‌ڵێن راكان گاوانێكی باشه‌ نه‌ك پارێزگار.

به‌پێی راپۆرتێكی هه‌فته‌نامه‌ی ژیان كه‌ له‌ژماره‌ 98ی رۆژی 7-7-2019 دا بڵاوكراوه‌ته‌وه‌، له‌باره‌ی ژیانی كۆمه‌ڵاتیی راكانه‌وه‌ كه‌له‌سه‌ر زاری كه‌سێكی نزیكییه‌وه‌ بڵاویكردووه‌ته‌وه‌ ده‌ڵێت: پیاوێكی زور (معقد)ه‌و وشكه‌، زۆر توڕه‌ دیاره‌ و زۆر به‌ده‌گمه‌ن زه‌رده‌خه‌نه‌ی له‌سه‌ر لێوان ده‌بێندرێت، هه‌روه‌ها سێجار ھاوسه‌رگیری كردووه‌ و ئیستا دوو ژن‌و 22 منداڵی ھه‌یه‌و دوو له‌ منداڵه‌كانیشی خاوه‌ن پێداویستی تایبه‌تن.

به‌وته‌ی سه‌رچاوه‌كه‌، عه‌ره‌به‌كان ‌و ته‌نانه‌ت خزمانی نزیكیشی متمانه‌یان پێ نییه‌ و پشتیوانیشی لێناكه‌ن ‌و ته‌نانه‌ت له‌ خه‌ڵكی حه‌ویجه‌ له‌باره‌ی راكان جبوورییه‌وه‌ ده‌ڵێن: راكان گاوانێكی باشه‌، نه‌ك پارێزگار.

كه‌سایه‌تییه‌كی نزیك له‌ راكان سه‌عید، نهێنیه‌كانی ژیانی ئاشكراده‌كات‌و ده‌ڵێت "راكان هه‌رزه‌كار بوو مێردمناڵێكی باڵابه‌رزی ئیسك قورسبوو، سێ به‌شی ته‌مه‌نی منداڵێ ھه‌رزه‌كاری شوان بووه‌، پاشان به‌ھۆی به‌ناوبانگی ھۆزه‌كه‌ی توانی بگاته‌ ئه‌م پۆسته‌ی ئێستا.

هه‌ربه‌پێی راپۆرته‌كه‌، راكان جبووری ئه‌و پیاوه‌ی به‌ده‌یان سكاڵای له‌سه‌ر تۆماركراوه‌ و تۆمه‌تباره‌ به‌ گه‌نده‌ڵی‌و رێكخراوی نه‌ته‌وه‌یه‌كگرتووه‌كان ئاماده‌نییه‌ له‌گه‌ڵی كۆببێته‌وه‌، به‌نهێنی سه‌ردانی هه‌ولێری كردووه‌و به‌ پاره‌یه‌كی زۆر دیلی گۆڕیوووه‌ته‌وه‌.

هه‌روه‌ها هه‌فته‌نامه‌ی ژیان ئاشكرای ده‌كات، برایه‌كی‌ و چه‌ند ئامۆزایه‌كی راكان جبوری له‌ ریزه‌كانی داعشبوون و به‌نهێنی سه‌ردانی هه‌ولێری كردووه‌ و به‌ پاره‌یه‌كی زۆر دیلی گۆڕیوووه‌ته‌وه‌.

راكان سه‌عید جبووری، له‌ ساڵی 1964ی گوندی (حیاش) له‌ قه‌زای حه‌ویجه‌  له‌دایكبووه‌ و له‌ هۆزی ناوبانگی جبووریی عیراقه‌‌و له‌خێزانێكی به‌ناوبانگی حه‌ویجه‌یه‌ و له‌ ساڵی 2005 ه‌وه‌ ئه‌ندامی ئه‌نجومه‌نی قه‌زای حه‌ویجه‌ دواترو له‌ ساڵی 2010 ده‌بێته‌ جێگری پارێزگاری كه‌ركوك.

PUKmedia تایبه‌ت

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket