سێ ژن وه‌زیری كابینه‌ی نوێ ده‌بن

.

له‌كۆی 31 پۆستی وزاری كابینه‌ی نوێی حكومه‌تی هه‌رێم، ته‌نها سێ پۆست به‌ ژنان دراوه‌.

ئه‌مڕۆ مه‌سرور بارزانی كاندیدی راسپێردرا و بۆ پێكهێنانی كابینه‌ی نوێی حكومه‌ت، ناوی كاندیدان بۆ پۆسته‌ وزارییه‌كان و سیڤییه‌كانیان پێشكه‌شی په‌رله‌مان ده‌كات، كه‌ ژماره‌یان 31 پۆسته‌، له‌كۆی ئه‌و 31 پۆسته‌ش ته‌نها 3 وه‌زاره‌ت به‌ ژنان دراوه‌، كه‌ پێكدێن له‌ كوێستان محه‌مه‌د كاندیدی گۆڕان بۆ وه‌زاره‌تی كاروباری كۆمه‌ڵایه‌تی، ڤالا فه‌رید كاندیدی پارتی بۆ وه‌زاره‌تی داد یاخود وه‌زیری هه‌رێم، بێگه‌رد دڵشاد كاندیدی یه‌كێتی بۆ وه‌زاره‌تی كشتوكاڵ.

ئه‌مه‌ له‌كاتێكدا به‌راورد به‌ كابینه‌ی پێشووی حكومه‌تی هه‌رێم، ژماره‌ی كاندیدانی ژن بۆ وه‌زاره‌ته‌كان به‌رز بووه‌ته‌وه‌ چونكه‌، له‌ كایبنه‌ی پێشوودا نه‌ورۆز مه‌ولود ته‌نها ژنیَك بوو كه‌ وه‌ك وه‌زیری شاره‌وانی و گه‌شتوگوزار له‌ كابینه‌دا بوو.

PUKmedia تایبه‌ت