مه‌لا به‌ختیار: پێویسته‌ تاكی كۆمه‌ڵ ببێته‌ كه‌سێكی ئازادو خاوه‌ن پرسیار

مه‌لا به‌ختیار: پێویسته‌ تاكی كۆمه‌ڵ ببێته‌ كه‌سێكی ئازادو خاوه‌ن پرسیار


6/7/2019 17:25:00
چاپ کردن
بە وێنەوە    بە بێ وێنە
           
.

مه‌لا به‌ختیار: له‌كوردستاندا له‌یه‌كێتی باشتر، هیچ حزبێك له‌كوردستاندا نابینم بۆیه‌ یه‌كێتیم
مه‌لا به‌ختیار، له‌گه‌ڵ بازنه‌ی دابڕانی هه‌ڵه‌بجه‌ی شه‌هید كۆده‌بێته‌وه‌و له‌ته‌وه‌ره‌كانی كۆبوونه‌وه‌كه‌شدا، به‌وردی له‌باره‌ی په‌یامی دابڕان‌و ئامانجه‌كانیشییه‌وه‌ به‌وردی گفتوگۆكرا.

بازنه‌ی دابڕانی هه‌ڵه‌بجه‌، كه‌ له‌هه‌ڵه‌بجه‌و هاوارو ده‌وروبه‌رییه‌وه‌ هاتبوون، له‌كۆبوونه‌وه‌كه‌یاندا كه‌ ئه‌مڕۆ 6-7-2019، به‌ڕێوه‌چوو، ئاماژه‌یان به‌هۆكاره‌كانی دروستبوونی بازنه‌كه‌یان كرد، له‌پێناو ئه‌و ئامانج‌و په‌یامانه‌ی پلاتفۆڕمی دابڕانی بۆ دروستبووه‌و باوه‌ڕیشی خۆیشیان نیشاندا، كه‌ تاكی ئه‌مڕۆ ‌و ئه‌م سه‌رده‌مه‌، پێویستی به‌وه‌یه‌ له‌گه‌ڵ جیهانی نوێ‌و واقیعی سه‌رده‌م بڕوا به‌ڕێگه‌دا، كه‌ سه‌رده‌می زانست‌و زانیارییه‌.

 له‌لایه‌ن خۆیشیه‌وه‌، مه‌لا به‌ختیار، سه‌رپه‌رشتیاری گشتی پلاتفۆڕمی دابڕان، خۆشحاڵی خۆی نیشاندا بۆ دروستبوونی بازنه‌كه‌ به‌تایبه‌ت كه‌ له‌هه‌ڵه‌بجه‌و هاوارو ده‌وروبه‌ریی پێكهاتووه‌، به‌تایبه‌تر كه‌ هه‌ڵه‌بجه‌و ده‌وروبه‌ری تایبه‌تمه‌ندی خۆی هه‌یه‌‌و هه‌لومه‌رجی شاره‌كه‌و ده‌روبه‌ریشی به‌تایبه‌تی له‌مێژووی ده‌ ساڵی رابردووتردا وه‌بیرهێنایه‌وه‌و له‌و چوارچێوه‌یه‌شدا، به‌پێچه‌وانه‌ی ئه‌و ده‌ ساڵه‌وه‌، ئاماژه‌ی به‌هه‌موو ئه‌و گۆڕاكاریی‌و ئاوه‌دانكردنه‌وانه‌ كرد، كه‌ یه‌كێتی رۆڵی سه‌ره‌كی تێدا گێڕاوه‌و وتی: ئه‌گه‌رچی ئه‌وه‌ی تا ئێستا بۆ هه‌ڵه‌بجه‌ كراوه‌ هه‌موو شتێك نییه‌، به‌ڵام به‌راوردی نێوان حزبێكی مۆدێرنه‌ كه‌ باوه‌ڕی به‌ئاوه‌دانی ‌و خزمه‌تكردن هه‌یه‌، له‌گه‌ڵ حزبێكدا كه‌ باوه‌ڕی به‌نوێگه‌ری نییه‌‌و به‌ڵكو سه‌ر كزكردن‌و سه‌ركوێركردن سیاسه‌تێتی.

رونیشیكرده‌وه‌، ئه‌م دوو دنیایه‌ش، كه‌ دوو دنیاو بیركردنه‌وه‌ی جیاوازه‌ بۆ حوكمڕانیكردن، هه‌موومانی گه‌یانده‌ ئه‌و ئه‌نجامه‌ی كه‌ ده‌بێ‌ فه‌لسه‌فه‌یه‌ك هه‌بێ‌ بۆ پێگه‌یاندنی تاك‌و كۆی كۆمه‌ڵ. هه‌روه‌كو چۆن ئۆرۆپا به‌فه‌لسه‌فه‌ گۆڕانكارییه‌ گه‌وره‌كانیان وه‌دیهێناوه‌. بێگومان ئه‌و فه‌لسه‌فه‌یه‌ش ده‌بێ‌ فه‌لسه‌فه‌یه‌كی نوێ‌‌و نوێگه‌ر بێ‌، بۆ پێشكه‌وتن‌و ئه‌ركی سه‌رده‌م‌و هاوچه‌رخ بێ‌. بۆیه‌ چوار ساڵ له‌مه‌وبه‌ر كه‌ دابڕانمان دروستكرد، نه‌هاتووین له‌دابڕاندا دژی هیچ عه‌قیده‌‌و ئایینزایه‌ك بین، به‌پێچه‌وانه‌وه‌ دژایه‌تی دین به‌سیاسه‌تێكی نه‌گونجاو ده‌زانین، هه‌ربۆیه‌ رامانگه‌یاندووه‌: ئایین بۆ تاك‌و دیموكراسی بۆ هه‌مووان‌و سه‌رپه‌رشتیاری دابڕانیش، ئه‌م دروشمه‌ی به‌دروشمێكی واقیعی ناوبردو رونیشیكرده‌وه‌: له‌سه‌ره‌تاشدا په‌رچه‌كردارێك هه‌بوو، به‌ڵام ده‌زانین كه‌ هه‌میشه‌ ئه‌ركه‌ سه‌خت‌و قورسه‌كانی مێژوو، وروژانێك له‌گه‌ڵ خۆیدا دروست ده‌كات، به‌ڵام سه‌ره‌نجام راستییه‌كان ده‌رده‌كه‌ون.

له‌به‌شێكی تری وته‌كانیدا، مه‌لا به‌ختیار، له‌باره‌ی په‌یوه‌ندییه‌كانی دابڕان به‌حزبه‌وه‌، ئاماژه‌ی بۆ ئه‌وه‌كرد، كه‌: له‌كوردستاندا له‌یه‌كێتی باشتر، هیچ حزبێك له‌كوردستاندا نابینم بۆیه‌ یه‌كێتیم، به‌ڵام دابڕان كه‌متر په‌یوه‌ندیی به‌حزبایه‌تییه‌وه‌ هه‌یه‌و ئه‌وكاته‌ی فه‌لسه‌فه‌ی رۆشنگه‌ری له‌مێژوودا سه‌ریهه‌ڵداوه‌، هیچ حزبێك له‌ئارادا نه‌بووه‌! به‌ڵام كه‌ مێژوو ده‌خوێنیته‌وه‌، ئایا فه‌لسه‌فه‌ توانیوێتی خزمه‌تی گه‌وره‌ له‌مێژوودا به‌مرۆڤایه‌تی بكات، یاخود حزبایه‌تی؟ بۆ فكر ، بۆ فه‌لسه‌فه‌، بۆ گۆڕانكاری كۆمه‌ڵایه‌تی، بێگومان فه‌لسه‌فه‌ توانیوێی ئه‌و رۆڵه‌ ببینێت‌و ئه‌گه‌ر فه‌لسه‌فه‌ش نه‌بوایه‌ حزبیش نه‌ده‌بوو. ده‌سه‌ڵاتی دیموكراسی نه‌ده‌بوو، گۆڕانكاری كۆمه‌ڵایه‌تی نه‌ده‌بوو، مه‌زهه‌بی كاسۆلیكی له‌ئایینی مه‌سیحیدا، تائێستاش حوكمی ره‌های ده‌كرد. به‌ڵام به‌حوكمی سه‌ركه‌وتنی لۆجیكه‌كانی فه‌لسه‌فه‌، مه‌سیحییه‌ت و كاسۆلیكه‌یت هه‌یبه‌تی زۆریان هه‌یه‌، به‌ڵام له‌كه‌نیسه‌ نه‌ك له‌ده‌سه‌ڵات‌و له‌سیسته‌م، به‌ڵكو له‌ژیانی كۆمه‌ڵایه‌تی‌و له‌ئه‌قڵی تاكدا، ئایین‌و مه‌زهه‌ب ماوه‌، كه‌نیسه‌كانیش هه‌موویان رازاوه‌ن‌و هیچ كه‌موكوڕییه‌كیش نییه‌‌و خه‌ڵكیش به‌وپه‌ڕی ئازادییه‌وه‌ ده‌چنه‌ كه‌نیسه‌كان‌و دێنه‌ ده‌ره‌وه‌.

شرۆڤه‌ كردنی ئه‌زمون‌و مێژووی فه‌لسه‌فه‌ پێش سه‌رهه‌ڵدانی حزب، كاریگه‌ری فه‌لسه‌فه‌ بۆگۆڕانكاری، ده‌ستكه‌وته‌كانی فه‌لسه‌فه‌ له‌وڵاته‌ پێشكه‌وتووه‌كانی ئۆرۆپا‌و دنیا، به‌شێكی تری گفتوگۆكه‌ی سه‌رپه‌رشتیاری گشتی پلاتفۆڕمی دابڕان بوو،  كه‌ تیایدا به‌وردی رونیكرده‌وه‌، هه‌تا كه‌لتوری مه‌زهه‌بی توندڕه‌وی خۆكوژیی‌و خۆته‌قاندنه‌وه‌و هه‌تا كه‌لتوری مه‌زهه‌بی دینی، له‌ژیانی كۆمه‌ڵایه‌تی نه‌یهێنینه‌ ده‌ره‌وه‌‌و نه‌یگۆڕین بۆ عه‌قیده‌ی كه‌سی‌و ئازادی ئایینیی، ئه‌وا بێگومان زه‌مینه‌ی سه‌رهه‌ڵدانی هێزی خۆكوژیی‌و داعش ئاسا به‌ به‌رده‌وامی ده‌مێنێت‌و ئاماژه‌شی بۆ ئه‌وه‌كرد، كه‌ ئه‌وه‌ زه‌مینه‌ كۆمه‌ڵایه‌تیی‌و مه‌زهه‌بی ئاینییه‌كه‌یه‌، بۆیه‌ ئه‌وه‌ی ناوت نه‌بیستووه‌ به‌ساڵێك ده‌بێت به‌سه‌ركرده‌و دێته‌ سه‌رته‌له‌فزیۆن‌و گوتارێك ده‌دات‌و دوو سه‌د كه‌س دوای خۆی ده‌خات‌و هه‌موو ده‌وڵه‌ته‌كانیش سه‌رقاڵی خۆی ده‌كات‌و ئه‌مه‌شی به‌سه‌رچاوه‌ی دواكه‌وتن‌و تێنه‌گه‌یشتن له‌ئایین‌و مه‌زهه‌ب ناوبرد‌و رونیشیكرده‌وه‌ كه‌ به‌داخه‌وه‌ تا ئیستا كۆمه‌ڵی ئێمه‌، كۆمه‌ڵێكی دواكه‌وتووه‌و هه‌تا ئێستاش له‌ژێر كاریگه‌رییه‌ نێگه‌تیڤه‌كانی تێگه‌یشتنه‌ له‌هه‌ندێ‌ حاڵه‌تی ئایینی‌و مه‌زهه‌بییه‌.

مه‌لا به‌ختیار، بوونی و پرسیارو پرسیاركردنی به‌ سه‌ره‌تایترین ئه‌ركی ئه‌قڵی مرۆڤ ناوبردو رایگه‌یان: هه‌تا ئه‌قڵ نه‌گاته‌ راده‌ی پرسیاركردن، هه‌ر به‌داخراویی‌و به‌دواكه‌وتوویی ده‌مێنێته‌وه‌و وتیشی: هه‌تا له‌رابردوو بمێنیته‌وه‌، ناتوانی له‌م سه‌رده‌مه‌ تێبگه‌یت‌و ئه‌گه‌ر له‌م سه‌رده‌مه‌ش تێنه‌گه‌یت، هه‌میشه‌ وه‌ك به‌شێك له‌كۆن ده‌مێنیته‌وه‌و نابیته‌ به‌شێك له‌نوێ‌‌و ئه‌وكاته‌ش له‌فكر‌و سیاسه‌تدا ده‌بیته‌ كۆنه‌په‌رست‌و سه‌ره‌نجام كێشه‌كان ده‌ته‌قنه‌وه‌و كوشت‌و كوشتار روده‌دات‌و له‌و چوارچێوه‌یه‌شدا، ئاماژه‌ی بۆ ئه‌وه‌كرد: ئێمه‌ نامانه‌وێ‌ گۆڕستانه‌كان ئاوه‌دان بكرێنه‌وه‌، به‌ڵكو ده‌مانه‌وێ‌ ژیان، كۆمه‌ڵ، نیشتمانه‌كان ئه‌وه‌دان بكه‌ینه‌وه‌و خێزانه‌كان به‌خۆشگوزه‌رانی بژین‌و تاكه‌كانیش به‌سه‌ربه‌ستی بژین‌و سه‌رچاوه‌ی ئه‌م هه‌موو مه‌ینه‌تییه‌ش ده‌گه‌ڕێته‌وه‌ بۆ نه‌بوونی ئازادی له‌عه‌قیده‌و مه‌زهه‌ب.

له‌كۆتایی وته‌كانیشدا، جه‌ختیشیكرده‌وه‌: پلاتفۆڕمی دابڕان خه‌بات بۆ خه‌وه‌ جوانه‌كانی مرۆڤ ده‌كات ‌و ته‌نها داواشی ئه‌وه‌یه‌ تاكی كۆمه‌ڵ نه‌رم نه‌رم خۆی په‌روه‌رده‌ بكات‌و ببێته‌ تاكێكی ئازادو خاوه‌ن پرسیار.

PUKmedia

وێنە هەواڵ
  • image04
  • كۆكردنەوەی بەرهەمی توتن لەگوندی کانی تووی بەری مەرگە

  • image04
  • فێستیڤاڵی دەف لەسنەی رۆژهەڵاتی كوردستان

  • image04
  • ساتی گۆڕینی پەردەی كەعبە

  • image04
  • براوه‌یه‌كی خه‌ڵاتی نۆبڵ كۆچی دواییكرد

  • image04
  • مۆنۆمێنتی شەهیدانی بینا سووتاوەكەی سیروان

  • image04
  • ئاگر له‌ كه‌مپی ئاواره‌كانی شه‌نگال ده‌كه‌وێته‌وه‌

  • image04
  • شەش ساڵ بەسەر كۆچی دوایی شێركۆ بێكەسدا تێدەپەڕێت

  • image04
  • ئێزیدییەكان لەسلێمانی یادی شەنگال دەكەنەوە


                                           

فینلاند.. سیمینارێك له‌سه‌ر جینۆسایدی میللـه‌تی كورد به‌ڕێوه‌چوو


به‌سه‌رپه‌رشتی كۆمیته‌ی رێكخستنی یه‌كێتیی نیشتیمانیی كوردستان له‌ فینلاند و به‌هاوكاری بزوتنه‌وه‌ی گۆڕان و به‌بۆنه‌ی پێنجه&zwn...


  كۆبوونه‌وه‌ی كۆمیته‌ی فینلاند بۆ ده‌وروته‌سلیم به‌سه‌ركه‌وتوویی به‌رێوه‌چوو
  لێهاتوویی و توانای زانستی هه‌ڵه‌بجه‌ییه‌ك ده‌گه‌یه‌نێته‌ هارڤارد
                                           

رەهبەر سەید برایم: ئەگەر كۆنگرە نەبەستین ناتوانین بەشداریی هەڵبژاردن بكەین


رەهبەر سەید برایم، ئەندامی سەركردایەتیی یەكێتیی نیشتیمانیی كوردستان رایدەگەیەنێت دیاریكردنی وادەی كۆنگرەی حزبەكەی تا سەری ساڵ بڕیارێكە كە دەبێت جێبەجێ ب...


  پێش چل ساڵ.. من له‌ناو وێنه‌ زیندوه‌كه‌ی مام جه‌لالدا
  ئۆغڵو: ئامه‌د به‌ره‌و شارێكی گه‌شتیاری هه‌نگاو ده‌نێت
                                           

ناوچه‌ی ئارام و داهاتووی رۆژئاوای كوردستان

ئه‌مریكا له‌سه‌ر دروستكردنی ناوچه‌ی ئارام به‌شێوه‌یه‌كی هاوبه‌ش له‌گه‌ڵ توركیا ئاماژه‌ به‌به‌...


  هه‌ڕه‌شه‌ی نوێ ته‌نگ به‌كاكه‌ییه‌كان هه‌ڵده‌چنێت
  كۆستەریكا.. وڵاتی جوانی و خۆشبەختی


کاریکاتێر