ترسێكی قوڵ دەخاتە دڵەوە.....

ترسێكی قوڵ دەخاتە دڵەوە.....


6/7/2019 12:00:00
چاپ کردن
بە وێنەوە    بە بێ وێنە
           
عەبدولواحید محەمەد

خوێندكار بەتەواوی پشت بەخۆی دەبەستێت و سود لەو توانا زانستییە وەردەگرێت كە لە ساڵی خوێندندا وەریگرتوە، كەمترین هەوڵیش دەدات بۆ رێگە نادروستەكان، چونكە دڵنیایە لەوەی پرۆسەكە بەشێوەیەكی دادپەروەرانە بەڕێوەدەچێت و كەس ناتوانێ  دەستی تێوەردات.

دوای ئەوەی لەشكری یەزید و هەڵگەڕاوەكان دەورەیان لە  ئیمامی حوسەین و هاوەڵەكانی لە شاری  كەربەلا گرت، پیاوەكانیان یەك یەك كوشت ئینجا ژنەكان دواجاریش منداڵەكان، لە كۆتاییدا ئیمامی حوسەینیشیان كوشت، بەوەشەوە نەوەستان سەریشیان لە لاشەكەی كردەوە و لە رمیان چەقاند و شارەو شاریان پێكرد، ئەوە خۆیی لە خۆیدا بە هەموو پێوەرەكان كۆمەڵكوژی و تاوانێكی  گەورە و قێزەون بوو، وەكو پەڵەیەكی رەشیش بە نێوچەوانی ئەنجامدەرەكانی ماوەتەوە تا رۆژی حساب و كیتابیش هەر دەمێنێ، ئەوەی زۆر سەیر و سەمەرە بوو، چەند كەسێك كە هەتا بن گەردنیان سور بوو بە خوێنی بنەماڵەی پێغەمبەر، دەچنە لای زانایەكی ئاینی و لێی دەپرسن و دەڵێن ((ئەگەر شمەكەكانمان یەك دوو پەڵە خوێنی ئەسپی پێوە بێت، نوێژی لێ دێت یان نا؟)) بێگومان خوێنەكە خوێنی ئیمامی حوسەین و بنەماڵەكەی بووە،  سەرسوڕمانەكە لەوەدایە، دوای ئەو تاوانە گەورەیە و ئەو هەموو كوشت و كوشتارە لە یەك دوو دڵۆپ خوێن بپرسن گوایە موسڵمانن و نوێژ دەكەن، بەهەر حاڵ من مەبەستم لەو وەبیرهێنانەوەیە ئەوەیە بڵێم،  ئەمساڵ لە چاو ساڵانی رابردوو پرۆسەی ئەزمونە گشتیەكان لە هەردوو قۆناغی نۆیەم و دوازدەهەم باشتر بەڕێوە چوو، پارو پێرار لەگەڵ دەست پێكردنی ئەزمونەكان دەنگۆی بڵاوبوونەوە و دزەپێكردن پرسیارەكان دەبووە سەردێری باس و خواسی راگەیاندنەكان و سۆشیال میدیاوە، ئینجا بۆ سەر هەڵە و كەموكوڕیەكان هەروەها هەوڵ و حەرەكەتی كزی و غەڵبە غەڵبی هۆڵەكانی ئەزمونكردن، ئەمساڵ سەرباری زۆری خوێندكاران كە زیاتر لە (225000)هەزار بوون، كۆی پرسیارەكانیش لە وانە جیاجیاكان(2700)پرسیار بوو، لەو ژمارەیە تەنها (17) هەڵە هەبوو، راستە هەندێك هەڵەی رێزمانەوانی و رێنوسیش هەبوو، بە تایبەت لە بابەتەكانی عەرەبی و كوردی، لە بارەی ئەنجامەكانیش بەراورد بە ساڵانی پێشو باشتر بوو، بۆ نمونە پارساڵ رێژەی دەرچون 25% بەڵام ئەمساڵ 48% ، ساڵی پار ژمارەی ئەو خوێندكارانەی نمرەكانیان لەسەروی (90)ەوە بوو، لە نێوان (900 تا 1000) كەس دەبوون، بەڵام ئەمساڵ لە دەوروبەری (3000) هەزار خوێندكار نمرەكانیان لەسەروی نەوەتەوە بوو، بێگومان پرۆسەیەكی وا گەورە و گران هەندێك خەوشی تێ دەكەوێ، پێویستە بوترێ لە وڵاتانیتریش  هەر هەبووە، ئەوەش پاساو نیە بۆ بوونی هەڵە، بە پێچەوانەوە دەبێت هەموو لاكان و ناوەرۆك و جومگەكانی زۆر بە دیقەتەوە بكرێت،   ئەوەی بەلای من جێگای هەڵوێستە كردنە، ئەو پرۆسە گەورەیە و ئەو ئەنجامە لە چاو ساڵانی پێشوو باشتر ، بچوك كرایەوە لە خوێندنەوەیەكی هەڵە بۆ دیمەنێكی بێ مەبەست،  وەك كارەساتی شەهید كردنی ئیمامی حوسەین و پرسیاركردن لە یەك دوو دڵۆپ خوێنی لێهات، هەڵایەكی لێ دروست كرا بێ ئەوەی لێكدانەوەیەكی واقیعیانە یان بەدواداچونی بۆ بكرێت، بە راستی روداوێكی لەو شێوەیە و گەورە كردن و نان و پیاز پێ خواردن و فرۆشتنەوەی بەم و ئەو، ترسێكی قوڵ دەخاتە دڵەوە، لەوەی لە بری دەست خستنە سەر كەم و كوڕیەكان و پێشنیار كردنی پلان و نەخشەرێگەیەكی باشتر لەوەی لەو ساڵانە كاری پێكراوە، سێرە لە بابەتێك بگریت كە لە بنەڕەتدا پەیوەندی بە پرۆسەی ئەزمونەكانەوە تەنانەت بە كۆی پرۆسەی پەروەردەوەش نیە، ئێستا كاتی ئەوەیە بە جددی بیر لە ئالیەتێكی تازە بكرێتەوە بۆ ئەزمونەكان، لە دەور و بەرمان و لە جیهان پرۆسەی ئەزموندانی جۆراوجۆر و سەركەوتو هەیە، دەكرێ و دەشێت سود لە یەكێكیان وەرگرین و پیادەی بكەین، نزیكترینیان لە ئێمە ئێران و توركیایە، هەریەكەیان سیستەمێكی هەیە لە دەرەوەی بەرپرسیاریەتی وەزارەتی پەروەردە و لە لایەن دەزگایەكی سەربەخۆوە بەڕێوە دەچێت، بە واتایەكیتر خوێندكار كە قۆناغی دوازدە تەواو دەكات دەبێتە هەڵگری بڕوانامەی ئامادەیی، بەڵام ناتوانێ بچێتە زانكۆ بەلكو دەبێت تاقی كردنەوەیەكیتر ئەنجام بدات، بەوەوە دەتوانێ درێژە بە خوێندن بدات ، بۆ نمونە لە ئێران دەبێت تاقیكردنەوەی كۆنكۆرد بدات، لە توركیاش دەزگایەكی سەربەخۆ هەیە ئەزمونە گشتیەكان بەڕێوە دەبات، بە شێوەیەك ئەوانەی پرسیار دادەنێن و ئەوانەی شیكاری دەكەن و هەموو لایەنە پەیوەندیدارەكانیش لەو دەزگایە دەمێننەوە بۆ ئەوەی هیچ پەیوەندییەكیان بە دەرەوە نەبێت تا ئەزمونەكان تەواو دەبێت.ئەم دوو شێوەیە لە دوولاوە كەڵكی دەبێت:
ئەو بارە قورسە لەسەر وەزارەتی پەروەردە هەیە لادەبرێت، لە هەمان كاتیشدا ساڵانە ئەو هەموو گیروگازەی دروست دەبێت، بە گشتی دەرگای لەسەر  دادەخرێت و تەواوی ئەو لایەنانەی پەیوەندیدارن، خوێندكاران، دایكان و باوكان، تەرتیب كردن و رێكخستنی هۆڵ و چاودێر و بەڕێوەبەر و سەرپەرشتیار لە بەرپرسیاریەتی دەبووردرێن.

عەبدولواحید محەمەد

     
PUKmedia تایبەت

وێنە هەواڵ
  • image04
  • سه‌ركرده‌كانی دوێنێ و ئه‌مڕۆ

  • image04
  • پیاوێك زێڕی ژنه‌كه‌ی ده‌دزێت

  • image04
  • 14 ساڵ به‌سه‌ر كردنه‌وه‌ی فڕۆكه‌خانه‌ی سلێمانیدا تێده‌په‌ڕێت

  • image04
  • شێرێكی عیراقی مافی په‌نابه‌ری له‌هۆڵه‌ندا وه‌رده‌گرێت

  • image04
  • 21ساڵ به‌سه‌ر په‌یماننامه‌ی ڕۆمادا تێده‌په‌ڕێت

  • image04
  • وه‌فده‌ باڵاكه‌ی هه‌رێم گه‌یشته‌ به‌غدا

  • image04
  • یه‌كه‌مین كۆبوونه‌وه‌ی ئه‌نجومه‌نی وه‌زیرانی هه‌رێم

  • image04
  • نیویۆرك چه‌ند سه‌عاتێكی به‌بێ كاره‌با به‌ڕێكرد


                                           

كۆمیته‌ی ئوسترالیا سه‌ردانی كونسوڵخانه‌ی عیراق ده‌كات


له‌سه‌ر داوای ره‌سمی باسم داود كونسوڵی گشتی كۆماری عیراقی فیدراڵ، ئه‌مڕۆ 18-7-2019، كۆمیته‌ی ڕێكخستنی (ی. ن. ك) له‌ ئوسترالیا ، ...


  ڕێكخراوی چه‌پك به‌شداری هه‌فته‌ی كه‌لتوری برۆكسلی كرد
  بەوێنە.. مەراسیمی ماڵئاوایكردن لەتەرمی هینرێتا پیرە
                                           

پێش چل ساڵ.. من له‌ناو وێنه‌ زیندوه‌كه‌ی مام جه‌لالدا


پێشمه‌رگه‌یه‌كی دێرینی یه‌كێتیی نیشتمانیی كوردستان، باس له‌ مێژووی وێنه‌یه‌كی به‌ناوبانگی سه‌رۆك مام جه‌لال ...


  ئۆغڵو: ئامه‌د به‌ره‌و شارێكی گه‌شتیاری هه‌نگاو ده‌نێت
   سزای ته‌مه‌لی: پیلان هه‌یه‌ بۆ سڕینه‌وه‌ی كورد
                                           

پێش چل ساڵ.. من له‌ناو وێنه‌ زیندوه‌كه‌ی مام جه‌لالدا

پێشمه‌رگه‌یه‌كی دێرینی یه‌كێتیی نیشتمانیی كوردستان، باس له‌ مێژووی وێنه‌یه‌كی به‌ناوبانگی سه‌رۆك مام جه‌لال ...


   دووه‌م گه‌شتم بۆ وڵاتی چین
  فڕۆكه‌خانه‌ی سلێمانی.. فڕین به‌سه‌ر ئاسمان و ناوبانگدا


کاریکاتێر