بڕیارێك نرخی ئۆتۆمبێل له‌هه‌رێم به‌رزده‌كاته‌وه‌

بڕیارێك نرخی ئۆتۆمبێل له‌هه‌رێم به‌رزده‌كاته‌وه‌


3/7/2019 12:29:00
چاپ کردن
بە وێنەوە    بە بێ وێنە
           
.

بڕیاری قه‌ده‌غه‌كردنی هێنانی ئۆتۆمبێلی لێدراو و ژێر ئاو كه‌وتوو، نرخی ئۆتۆمبێلی به‌رز كردووه‌ته‌وه‌ و ئه‌مه‌ش بۆچوونی جیاوازی له‌نێوان بازرگانانی ئه‌و جۆره‌ ئۆتۆمبێلانه‌ و كاسبكارانی پێشانگاكانی ئۆتۆمبێل درووست ده‌كات.

له‌وباره‌یه‌وه‌ محه‌مه‌د عه‌ربه‌تی كاسبكار له‌ پێشانگایه‌كی ئۆتۆمبێل به‌ PUKmedia ی راگه‌یاند: بڕیاری قه‌ده‌غه‌كردنی هێنانی ئۆتۆمبێلی لێدرا و لافاو بڕیارێكی گرنگه‌ و ده‌بوو پێشتر حكومه‌تی هه‌رێم ئه‌و بڕیاره‌ی ده‌ركردایه‌، چونكه‌ له‌ سوودی هاووڵاتییانه‌.

وتیشی: بڕیاری قه‌ده‌غه‌كردنی هێنانی ئۆتۆمبێلی لێدراو و لافاو، له‌ئێستادا بووه‌ته‌ هۆی گه‌رمكردنی بارازڕی پێشانگاكانی ئۆتۆمبێل و نرخی به‌رزكردۆته‌وه‌، چونكه‌ هه‌ندێك له‌و كه‌سانه‌ی كاری كڕین و فرۆشتنی ئۆتۆمبێل ده‌كه‌ن جێبه‌جێكردنی ئه‌و بڕیاره‌یان كردووه‌ته‌ ده‌رفه‌ت بۆ قۆرخكردنی بازاڕ و ساغكردنه‌وه‌ی ئۆتۆمبێله‌كانیان به‌ نرخێكی گرانتر.

هاوكات رێبه‌ر ئومێد، كه‌ بازرگانی هێنانی ئۆتۆمبێلی لێدراوه‌ بۆ PUKmedia وتی: بڕیاری قه‌ده‌غه‌كردنی هێنانی ئۆتۆمبێلی لێدرا و لافاو زیانێكی زۆری به‌ بازرگانانی ئه‌و جۆره‌ ئۆتۆمبێله‌ گه‌یاندووه‌، چونكه‌ بڕیاره‌كه‌ زۆر زوو خرایه‌ بواری جێبه‌جێكردنه‌وه‌ و به‌مه‌ش زیانێكی زۆر له‌و بازرگانانه‌ كه‌وت كه‌ ئۆتۆمبێلیان كڕیووه‌ و له‌ ئێستادا ناتوانن بیهێننه‌ بازاڕه‌كانی هه‌رێمه‌وه‌.

وتیشی: ده‌بوو حكومه‌تی هه‌رێم چه‌ند مانگێك پێش ده‌ركردنی ئه‌و بڕیاره‌ یان جێبه‌جێكردنی، بازرگانانی ئۆتۆمبێلی لێدرا و لافاوی ئاگادار بكردایه‌ته‌وه‌ و بۆ ئه‌وه‌ی به‌و رێژه‌ زۆره‌ زه‌ره‌ر مه‌ند نه‌بن.

رێبه‌ر ئومێد راشیگه‌یاند: هێنانی ئۆتۆمبێلی لافا و لێدرا و لایه‌نی باشیشی هه‌بووه‌ بۆ ئه‌و هاووڵاتییانه‌ی كه‌ ناتوانن ئۆتۆمبێل به‌ نرخی گران بكڕن.

وتیشی: به‌هۆی ئه‌و بڕیاره‌وه‌ له‌ ئێستادا نرخی ئۆتۆمبێل له‌ پێشانگاكان به‌رزبووه‌ته‌وه‌ و پێشبینی ده‌كه‌ین نرخ زیاتر به‌رزبێته‌وه‌ ، كه‌ له‌ زیانی هاووڵاتییان دایه‌.

هاوكات هاووڵاتییانیش پێیان وایه‌ كه‌ ئه‌و بڕیاره‌ له‌ سوودی گشتییه‌ و ده‌ڵێن، ده‌بێت رێگه‌ له‌ گرانبوونی ئۆتۆمبێله‌كانی ناوخۆ بگیرێت و نه‌هێڵرێت خاوه‌نی پێشانگاكانی ئۆتۆمبێل راگرتنی هاتنی ئۆتۆمبێلی لافا و لێدراو بكه‌نه‌ ده‌رفه‌ت بۆ گرانكردنی ئۆتۆمبێله‌كانیان.

هه‌ندێك له‌ هاووڵاتییانیش پیان وایه‌ كه‌ كاتی ئه‌وه‌ هاتووه‌ حكومه‌ت هه‌نگاو بنێت به‌ره‌و دامه‌زراندنی هێڵی گواستنه‌وه‌ی تازه‌ و خێرا، بۆئه‌وه‌ی هاووڵاتییان ناچار نه‌بن به‌و رێژه‌ زۆره‌ ئۆتۆمبێل بكڕن و شه‌قامه‌كانیش به‌شێوه‌ی ئێستا لۆد و قه‌ره‌باڵغییان له‌سه‌ر نه‌مێنێت.

رۆژی 1-7-2019، وه‌زاره‌تی ناوخۆی هه‌رێم بڕیاری قه‌ده‌غه‌كردنی هاورده‌كردنی ئۆتۆمبێلی لێدراو و ژێرئاوكه‌وتووی خسته‌ بواری جێبه‌جێكردنه‌وه‌ و به‌پێی ئاماره‌كانی وه‌زاره‌تی بازرگانی و پیشه‌سازیش، له‌ پێنج ساڵی رابوردوودا، 451 هه‌زار و 337 ئۆتۆمبێل هاورده‌ی هه‌رێمی كوردستان كراون، ساڵی رابوردووش نزیكه‌ی 131 هه‌زار ئۆتۆمبێل هاورده‌كراون، له‌ چوار مانگی ئه‌مساڵیشدا 68 هه‌زار ئۆتۆمبێل هاورده‌كراون.

له‌نوێترین بڕیاریشیاندا، وه‌زاره‌تی ناوخۆ له‌سه‌ره‌تای ساڵی داهاتووه‌وه‌ بوونی سیستمی په‌ره‌شووت (ئێرباگ) ده‌كاته‌ یه‌كێك له‌ مه‌رجه‌كانی توندوتۆڵی و ده‌رچوون له‌ پشكنینی ساڵانه‌ی ئۆتۆمبێل.

PUKmedia ژینه‌ر محه‌مه‌د

وێنە هەواڵ
  • image04
  • پێشمه‌رگه‌ی دێرین ئه‌حمه‌د زاگه‌ كۆچی دوایی كرد

  • image04
  • هەڵواسینی وێنەی هونەرمەندی خوالێخۆشبوو ( ئاسۆ عومەر سوارە) لەچایخانەی شەعب

  • image04
  • هه‌مواری په‌یڕه‌وی ناوخۆی یه‌كێتی به‌رده‌وامه‌

  • image04
  • كۆبوونەوەی ئەنجومەنی باڵای سیاسی و بەرژەوەندی یەكێتیی نیشتمانیی كوردستان

  • image04
  • یه‌كه‌مین كۆبوونه‌وه‌ی ئه‌نجومه‌نی گشتی سه‌ركردایه‌تی یه‌كێتی

  • image04
  • به‌فر هه‌رێمی كوردستان سپی پۆش ده‌كات

  • image04
  • ریاڵ مه‌درید نازناوی جامی سوپه‌ری یانه‌كانی ئیسپانیای به‌ده‌ستهێنا

  • image04
  • بووكێك خه‌رجی هاوسه‌رگیرییه‌كه‌ی خۆی ده‌به‌خشێته‌ نه‌خۆشخانه‌ی هیوا


                                           

كەنەدا.. سیمینارێك دەربارەی خۆپیشاندانەكانی عیراق بەڕێوەدەچێت


لە بەردەوامی كار و چالاكییەكانی رێكخراوی ناوەندی كەلتووری كوردستانیانی كەنەدا و لە ژێر ناونیشانی ( خۆپیشاندانەكانی عیراقو ئاسۆ و ئامانجەكانی ) رۆژی 19/1/2020 لە شاری تو...


  فینلاند.. ساڵیادی كۆماری كوردستان ده‌كرێته‌وه‌
  ئەڵمانیا.. هەنگاوێكی تر بەرەو پەروەردەكردنی مامۆستایانی زمانی دایك
                                           

44 ساڵ لەمەوبەر کتێبخانەیەک سلێمانی روناککردەوە


44 ساڵ لەمەوپێش كتێبخانەیەك بوە روناككەرەوەی شاری سلێمانی، پرشنگی رەنگاوڕەنگی بەهەموو لایەكی شاردا نەخشاند و پەیامی زانست و رۆشنبیری پێبوو، ئەویش كتێبخانەی پەیامە، ئەم كتێبخانەیە دەكەوێتە...


  لاهور شێخ جه‌نگی: بۆ كۆنگره‌ له‌گه‌ڵ لێكتێگه‌یشتندام
  عومەر شێخ موس: سەركردایەتیی كورد لەسیاسەت تێ نەگەیشتووە
                                           

عەرەب هەڵۆکانی کوردستان راودەکەن

هەرێمی كوردستان خاوەنی چەندین جۆری باڵندەی هەڵۆ و بازی جوان و دەگمەنە، ماوەی چەند ساڵێكە ژمارەیەك سەرمایەدار و ڕاوچیی وڵاتانی كەنداوی عەرەبی و بە تایبەت قەتەر و ئیماڕات دێنە  هەرێم و...


  دهۆک 24 حاڵەتی ئەنفلۆنزای بەرازی تۆمارکردوە
  كەرتی گەشتوگوزاری هەرێم پێشدەكەوێت


کاریکاتێر