یه‌كێتی بڕیارده‌ری لیژنه‌یه‌كی تری به‌رده‌كه‌وێت

.

ئه‌نجومه‌نی نوێنه‌رانی عیراق سه‌رۆك و جێگرو بڕیارده‌ری لیژنه‌ی خزمه‌تگوزاری هه‌ڵبژاردو پۆستی بڕیارده‌ری ئه‌و لیژنه‌یه‌ش به‌ر یه‌كێتیی نیشتمانیی كوردستان كه‌وت..

د. بێستون عادل ئه‌ندامی ئه‌نجومه‌نی نوێنه‌رانی عیراق له‌سه‌ر فراكسیۆنی یه‌كێتیی نیشتمانیی كوردستان ئه‌مڕۆ 2-7-2019، به‌ PUKmedia ی راگه‌یاند: له‌ دانیشتنی ئه‌مڕۆی ئه‌نجومه‌نی نوێنه‌راندا سه‌رۆك و جێگرو بڕیارده‌ری لیژنه‌ی خزمه‌تگوزاری هه‌ڵبژێردران، كه‌ وه‌لید سه‌هلانی به‌ سه‌رۆك و عائیشه‌ مه‌ساری به‌ جێگر هه‌ڵبژێران، هه‌روه‌ها منیش وه‌ك نوێنه‌رێك له‌سه‌ر فراكسیۆنی یه‌كێتی به‌ بڕیارده‌ری لیژنه‌كه‌ هه‌ڵبژێردرام.

جێگای باسه‌ له‌ دانیشتنی رۆژی چوار شه‌ممه‌ 22-5-2019، نوێنه‌رانیشدا د. ته‌ها ئه‌مین وه‌ك بڕیارده‌ری لیژنه‌ی خوێندنی باڵا هه‌ڵبژێردرا كه‌ له‌سه‌ر فراكسیۆنی یه‌كێتیی نیشتمانیی كوردستانه‌.

PUKmedia تایبه‌ت