ئۆپیك بڕیاری كه‌مكردنه‌وه‌ی به‌رهه‌مهێنانی درێژكرده‌وه‌

.

وڵاتانی ئه‌ندامی رێكخراوی ئۆپیك و ده‌ره‌وه‌ی ئه‌و رێكخراوه‌، بڕیاری درێژكردنه‌وه‌ی رێكه‌وتنی كه‌مكردنه‌وه‌ی به‌رهه‌مهێنانی نه‌وتیاندا.

ئاژانسی رۆیته‌رز ئه‌مڕۆ 2-7-2019، وڵاتانی ئه‌ندامی رێكخراوی ئۆپیك و ده‌ره‌وه‌ی ئه‌و رێكخراوه‌ به‌ سه‌رۆكایه‌تی روسیا له‌ ڤییه‌نای پایته‌ختی نه‌مسا بۆ درێژكردنه‌وه‌ی بڕیاری رێكه‌وتنی كه‌مكردنه‌وه‌ی به‌رهه‌مهێنانی نه‌وت كۆبوونه‌وه‌.

ئه‌و سه‌رچاوه‌یه‌ راشیگه‌یاند: وڵاتانی ئه‌ندامی رێكخراوی ئۆپیك و ده‌ره‌وه‌ی ئه‌و رێكخراوه‌، بڕیاریاندا بۆ ماوه‌ی (9) مانگی تر، رێكه‌وتنی كه‌مكرنه‌وه‌ی به‌رهه‌مهێنانی نه‌وت درێژبكه‌نه‌وه‌.

درێژكردنه‌وه‌ی رێكه‌وتنی كه‌مكردنه‌وه‌ی به‌رهه‌مهێنانی نه‌وت، تاكو مانگی ئازاری 2020، به‌رده‌وامده‌بێت، به‌پێی پێشبینی شاره‌زایانی بواری نه‌وت و ئابوری، ئه‌م بڕیاره‌ كاریگه‌ری راسته‌وخۆی له‌سه‌ر بازاڕی جیهانی نه‌وت ده‌بێت.

PUKmedia رۆیته‌رز