چاوه‌ڕوانده‌كرێت وه‌رزی یاسادانانی ئه‌نجومه‌نی نوێنه‌ران درێژبكرێته‌وه‌

.

چاوه‌ڕوانده‌كرێت، وه‌ك په‌رله‌مانی كوردستان، ئه‌نجومه‌نی نوێنه‌رانیش وه‌رزی یاسادانان درێژبكاته‌وه‌.

له‌و باره‌یه‌وه‌ حه‌سه‌ن ئاڵی ئه‌ندامی ئه‌نجومه‌نی نوێنه‌رانی عیراق له‌ فراكسیۆنی یه‌كێتی به‌ PUKmedia ی راگه‌یاند: له‌ئێستادا ئه‌نجومه‌نی نوێنه‌ران خوێندنه‌وه‌ی یه‌كه‌می بۆ چه‌ند پرۆژه‌ یاسایه‌ك كردوه‌، هه‌روه‌ها گفتوگۆی چه‌ند پرۆژه‌یه‌كی كردوه‌، بۆیه‌ بۆ ته‌واوكردنی پرۆژه‌كان چاوه‌ڕوانده‌كرێت وه‌رزی یاسادانانی ئه‌نجومه‌نی نوێنه‌ران درێژبكرێته‌وه‌.

وتیشی: سه‌رۆكایه‌تی په‌رله‌مان ده‌توانێت بۆ ته‌واوكردنی كاره‌كان، درێژكردنه‌وه‌ی وه‌زری یاسادانان بخاته‌ ده‌نگدانه‌وه‌و په‌رله‌مانتاران ده‌نگی له‌سه‌ر بده‌ن، كه‌ به‌بڕوای من پێویسته‌ ئه‌و كاته‌ بۆ راپه‌ڕاندنی كاره‌كان درێژبكرێته‌وه‌.

ئه‌مه‌ش له‌كاتێكدایه‌، رۆژی 30-6-2019 په‌رله‌مانی كوردستان وه‌رزی یاسادانانی بۆ ماوه‌ی 15 رۆژ درێژكرده‌وه‌، ئه‌وه‌ش له‌پێناو پێكهێنانی حكومه‌تی نوێ.

PUKmedia تایبه‌ت