داعش لە كەركوك جموجۆڵی دەستپێكردۆتەوە

داعش لە كەركوك جموجۆڵی دەستپێكردۆتەوە


30/6/2019 12:42:00
چاپ کردن
بە وێنەوە    بە بێ وێنە
           
.

لە سەرەتای ساڵی 2019دا، چەكدارانی داعش لە رێگەی پاشماوەكانی شانەی نوستووەوە جموجۆڵی جۆراوجۆر ئەنجامدەن بەتایبەت لە سنوری قەزاو ناحیەكانی كەركوك، ئەمەش لە كاتێكدایە بەڕێوبەری ئاسایشی پارتی لە كەركوك ئاشكرایدەكات داعش لە كەركوك "سەرانە" لە هاووڵاتیان وەردەگرێت.

لەسەرەتای مانگی حوزەیرانی ئەمساڵ، لە گەڕەكی پەنجا عەلی شاری كەركوك لە نێو ماڵێكدا سێ چەكداری داعش كوژران، هەروەها لە گوندی عەلی موسای سەر بە ناحییەی شوان دوو تیرۆست دەستگیركران كە یەكێكیان سەركردەی داعشە‌و پێشتر لەلایەن هێزە ئەمنییەكانەوە داواكراوە بوو.

هاووڵاتیانی لادێكانی سنوری ناحیەی پردێ گەواهیدەرن كە داعش شەوان لە سنورەكە دەسوڕێنەوەو داوای هاوكاری لە هاووڵاتیان دەكەن.

(پ، م) پیاوێكی (32) ساڵ، لە گوندێكی ناحیەی پردێ باسی هاتنی چەكدارانی داعش دەكات بۆ گوندەكەیان‌و دەڵێت "داعش شەوان لەدوای كاتژمێر یەكی شەو لە دەرگای ماڵەكەمیانداو پێیانوتم كە رێبوارن‌و پێوستیان بە خواردنەو ئۆتۆمبێلەكەیان لەكاركەوتووە، بۆیە نانی پێداون، بەڵام ئەو هاووڵاتییە بە پۆشاكەكەیانەوە تێگەیشتووە كە ئەو كەسانە چەكداری داعش بوون".

چەند هاووڵاتیەكی تری ناوچەكە بۆ ژیان ئەوەیان ئاشكراكرد، كە بەهۆی ترسی خۆیان‌و كەسوكاریان لە كوشتنیان لەلایەن چەكدرانی داعشەوە، هەروەها لە ترسی بۆردومانی سوپای عێراق ناتوانن زانیاری لەبارەی هاتنی چەكدارانی داعش باسبكەن.

هاوكات ئیدرایسی حاجی عادل، جێگری لێپسراوی مەڵبەندی كەركوكی یەكێتی نیشتمانی كوردستان ئاشكرای كرد، دۆخەكە زۆر مەترسیدارەو لە ئێستادا زۆر ئاڵۆزە، چونكە قەزای داقوق ٣٥ كم لە سەنتەری شاری كەركوكەوە دوورە، بەڵام لە ئێستادا زۆرترین جوڵەی تیرۆستان بوونی هەیە، بۆیە بەهۆی هێرشەكانی داعشەوە لە ماوەی مانگی رابردوودا، 12بریندارو دوو شەهیدیان هەبووە.

ئەو بەرپرسەی یەكێتی ئاشكراشیكرد، 30گوندی كوردنشین لە مەترسیدان‌و لە ماوەی رابردوو حەوت گوند چۆڵیان كردووەو دەیان پڕۆژەی كشتوكاڵی زیانیان بەركەوتووە.

ئاماژەشی بەوەكرد، مەترسییەكە تەنها بۆ كورد نییە، بەڵكو عەرەبەكانیش لەهەمان گرفتدان بەجۆرێك هێزە عێراقییەكان نە زانیارییان هەیە‌و نە دەتوانن ناوچەكە بپارێزن، بۆیە تاوەكو هێزی پێشمەرگە نەگەڕێتەوە هاوڵاتیانی ناوچەكە لە ئارامیدا نابن.

لەبارەی قسەكانی بەرپرسەكەی پارتی لەسەر مەترسی لەسەر كەركوك، عبدول موتەلیب نەجمەدین، بەڕێوەرەی ناحیەی پردێ‌و سەرۆكی لیژنەی ئەمنی ناحیەكە، قسەكانی بەڕێوبەری ئاسایشی پارتی رەتكردەوە وتی، "ئەوەی بەڕێوبەری ئاسایش وتویەتی دوورە لەراستییەوەو ئەوە ئێمەین زانیاریمان لەسەر ناحیەكە هەیە نەك برادەرانی پارتی، ئەگەر هێندەش بە خەمی كەركوكەوە فەرموو بابێنەوە بەشداربن لە پارێزگاریكردن لە كەركوك".

لەبارەی ئەو جموجۆڵەی باسدەكرێت، ئافراسیاو كامیل، وتەبێژی پۆلیسی كەركوك رونیكردەوە، چەكدارانی داعش لەسەرەتای دروستبوونییەوە نەیتوانیووە خەونی داگیركردنی كەركوك بهێنێتەدی، بۆیە ئێستاو دوای ئەو گۆڕانكاریانە كراوە ناتوانێت كارێكی لەوشێوەیە بكات.

وتیشی "كردەوەی تیرۆستی لە هەموو جیهان بوونی هەیەو كەركوكیش بەدەر نییە لەم دۆخە، ئێمە وەك پۆلیس وتەكانی بەڕێوبەری ئاسایش رەتدەكەینەوە هیچ كەس لە كەركوك‌و دەوربەری نەهاتووە سكالا تۆماربكات یان زانیاریمان پێبدات، بۆیە هەر چ مەترسیەك هەبوو بێت لە رابردوودا ئێمە بە هاوبەشی لەگەڵ هیزە عیراقییەكان چارەسەرمان كردووە".

PUKmedia  / رۆژنامه‌ی ژیان

وێنە هەواڵ
  • image04
  • پێشمەرگە شەهیدەكانی گەرمیان

  • image04
  • میسی بۆ جاری شه‌شه‌م باڵۆن دۆڕی برده‌وه‌

  • image04
  • سێ كارمه‌ندی ئاسایشی گه‌رمیان شه‌هیدبوون

  • image04
  • به‌غدا.. خۆپیشانده‌ران بۆ ده‌ستله‌كاركێشانه‌وه‌ی عادل عه‌بدولمه‌هدی ئاهه‌نگ ده‌گێڕن

  • image04
  • کچە کوردێک مارکەیەک بەناوی خۆی بەرهەمدەهێنێت

  • image04
  • لە حاجی ئۆمران بەفر دەبارێت

  • image04
  • ئاهەنگی دەرچوونی خولێكی تری زانكۆی سلێمانی

  • image04
  • هونەرمەندی گەورە عەدنان کەریم نوێترین بەرهەمی بڵاو دەکاتەوە


                                           

فینلاند.. یادی دامەزراندنی پارتی كرێكاران دەكرێتەوە


بەئامادەبوونی وەفدی كۆمیتەی فینلاندی یەكێتیی نیشتمانیی كوردستان یادی دامەزراندنی پارتی كرێكارانی كوردستان بەڕێوەچوو.

رۆژی سێشەممە 3...


  حیزبی دادپەروەری و یەكسانیخوازی سەردانی كۆمیتەی دانیمارك دەكات
  دانیمارك.. سیمینارێك بۆ ئیلهام ئه‌حمه‌د ساز كرا
                                           

لاهور شێخ جه‌نگی: بۆ كۆنگره‌ له‌گه‌ڵ لێكتێگه‌یشتندام


لاهور شێخ جه‌نگی له‌چاوپێكه‌وتنێكدا بۆ ئاژانس رایگه‌یاندوه‌، بۆ كۆنگره‌ دژی ته‌وافوقم، به‌ڵام له‌گه‌ڵ لێكتێگه‌یشتندام
 
لاهور ش...


  عومەر شێخ موس: سەركردایەتیی كورد لەسیاسەت تێ نەگەیشتووە
  حاجی مەسیفی: بۆ دانانی پارێزگاری كەركوك چیتر سەبرمان نەماوە
                                           

وەستایەك ئۆتۆمبێلی كۆن نوێ دەكاتەوە

كاتێك ئەبوبەكر بەئۆتۆمبێلە مۆدێل كۆن و سەرنجڕاكێشەكانی بەناو شەقامەكانی كەركوكدا دەسوڕێتەوە، ئیدی سەرنجی تەواوی ئەو كەسانە رادەكێشێت كە لەو شوێنەدان، ئە...


  گێچەڵی سێكسی تەڵەیەكی مەترسیدار لەهەرێم
  تاوانه‌كانی توركیا له‌ رۆژئاوا سنووری تێپه‌ڕاندووه‌


کاریکاتێر