بۆڵتۆن: تاران ناچار ده‌كه‌ین بێته‌ سه‌ر مێزی گفتوگۆ

.

جۆن بۆڵتۆن راوێژكاری ئاسایشی نه‌ته‌وه‌یی ئه‌مریكا له‌ كۆنفرانسێكی رۆژنامه‌وانیدا له‌ ئیسڕائیل ئاماژه‌ی به‌وه‌دا: واشنتۆن رێگا نادات ئێران ئامانجه‌كانی له‌ ناوچه‌ی رۆژهه‌ڵاتی ناوه‌ڕاستدا به‌دیبهێنێت.

 وتیشی: ئێران به‌رده‌وامه‌ له‌ هه‌ڕه‌شه‌كردن له‌ ئاسایشی ناوچه‌كه‌ و لێپرسراوانی تاران به‌ جددی كار له‌سه‌ر چاره‌سه‌ری دیبلۆماتی ناكه‌ن.

جۆن بۆڵتۆن ته‌ئكیدی له‌وه‌شكرده‌وه‌: به‌هۆی سزا ئابوورییه‌كان و به‌رده‌وامی فشاره‌كان، تاران ناچار ده‌كه‌ن بێته‌ سه‌ر مێزی گفتوگۆ و دانوستان بكات.

 هاوكات له‌باره‌ی هه‌ڵوێسته‌كانی روسیا سه‌باره‌ت به‌ پرسی ئێران، راویژكاری ئاسایشی نه‌ته‌وه‌یی ئه‌مریكا رایگه‌یاند: پێویسته‌ مۆسكۆ هه‌ڕه‌شه‌كانی تاران له‌ ناوچه‌كه‌دا به‌جددی وه‌ربگرێت.

PUKmedia ئاژانسه‌كان