عیراق.. ئاماری سوتانی ده‌غڵودانی جوتیاران ئاشكرا ده‌كرێت

.

له‌ سه‌ره‌تای مانگی ئایاره‌وه‌، نزیكه‌ی 330 رووداوی ئاگركه‌وتنه‌وه‌ له‌ عیراق تۆماركراون، زیاتر له‌ 54 ھه‌زارو 380 دۆنم ده‌غڵودانیش سووتاوه‌، زۆرترین رووداوی ئاگركه‌وتنه‌وه‌ش له‌ پارێزگاكانی سه‌ڵاحه‌دین و موسڵ و كه‌ركوك بووه‌.

له‌ به‌یاننامه‌یه‌كی به‌رێوه‌به‌رایه‌تی به‌رگری شارستانی عیراق كه‌ ئه‌مڕۆ 25-6-2019، كۆپییه‌كی ده‌ست PUKmedia كه‌وتووه‌، تێیدا هاتووه‌، له‌ سه‌ره‌تای مانگی ئایاره‌وه‌ تا 24 ی حوزه‌یران، 328 رووداوی ئاگركه‌وتنه‌وه‌ له‌ ته‌واوی عیراق تۆماركراوه‌و زۆرترین رووداوی ئاگركه‌وتنه‌وه‌ش له‌ پارێزگای سه‌لاحه‌دین بووه‌ به‌ 102 رووداو، دواتریش پارێزگای موسڵ به‌ 77 رووداو و پارێزگای كه‌ركوكیش به‌ 69 رووداو له‌ پله‌ی سێیه‌مدایه‌.

به‌رگریی شارستانیی عیراق ئاماژه‌ی به‌وه‌شكردووه‌، له‌ كۆی رووداوه‌كانی ئاگركه‌وتنه‌وه‌دا، زیاتر له‌ 54 ھه‌زارو 380 دۆنم ده‌غڵودان سووتاوه‌.

PUKmedia راگه‌یاندنی به‌رگری شارستانی عیراق