شاناز برایم ئەحمەد ئەنجومەنی ناوەندی دەرەوەی یەكێتی كۆدەكاتەوە

.

بە سەرپەرشتی خاتوو شاناز برایم ئەحمەد ئەنجومەنی ناوەندی دەرەوەی یەكێتیی نیشتمانیی كوردستان بەدروشمی" بەخۆداچوونە و نوێبوونەوە، ئامڕازی بەرەوپێشچوونە " لە هۆڵی خاك لە شاری سلێمانی كۆبوونەوە.

بە ئامادەبوونی خاتوو شاناز برایم ئەحمەد لێپرسراوی ناوەندی دەرەوەی یەكێتیی نیشتمانیی كوردستان و هەڵۆ پێنجوێنی ئەندامی سەركردایەتی یەكێتیی و نوێنەری مەكتەب رێكخستن و هاوار حاجی جێگری لێپرسراوی ناوەندی دەرەوە، ئەنجومەنی ناوەندی دەرەوەی یەكێتی، سەردانی ئارامگای سەرۆك مام جەلال-یان كرد، لەگەڵ دانانی گوڵی وەفا و خۆشەویستی بەڵێنی بەردەوامیدانیان لەسەر رێبازەكەی دووپاتكردەوە، دواتریش لەهۆڵی خاك لەشاری سلێمانی كۆبوونەوە.
رۆژانی ٢٥ و ٢٦ و ٢٧ی ئەم مانگە لەشاری سلێمانی، ئەنجومەنی ناوەندی دەرەوە، لە ژێر دروشمی " بەخۆداچوونە و نوێبوونەوە، ئامڕازی بەرەوپێشچوونە "، كۆبونەوەی ناوخۆی رێكدەخات، بۆ ئەوە مەبەستەش جگە لە كۆبوونەوەی ناوخۆی ناوەندی دەرەوە، لەگەڵ بەشێك لە ئۆرگان و مەكتەبەكانی یەكێتیی كۆدەبنەوە، بۆ لێكتێگەیشتن و هەماهەنگی زیاتر لە نێوانیان.

كۆبوونەوەكان ٣ رۆژ دەخایەنێت و لەرۆژانی یەكەم و سێیەمدا كۆبوونەوەی ناوەندی دەرەوە دەكرێت و لە رۆژی دووەمیش لەگەڵ بەشێك ئۆرگان و مەكتەبەكانی یەكێتیی كۆدەبنەوە.

لە كۆبونەوەكەدا ، دوای ساتێك بۆ گیانی پاكی شەهیدان، بەرنامەی كۆبونەوەكە لەلایەن هەڤاڵ هاوار حاجی جێگری لێپرسراوی ناوەندی دەرەوە خوێندرایەوە و بەوردی تاوتوێی بارودۆخی كوردستان و دۆخی یەكێتی لەگشت روویەكەوە بەتایبەت دۆخی رێكخستنەكانی یەكێتیی لە دەرەوەی وڵات كرا.

PUKmedia  تایبەت