ئاری عاشق بووم بڵاوده‌كاته‌وه‌

.

ئاری حه‌سه‌ن هونه‌رمه‌ندنی دیاری شاره‌زوور نوێترین به‌رهه‌می خۆی به‌ ناوی عاشق بووم بڵاوده‌كاته‌وه‌.

 ئاری حه‌سه‌ن له‌ چاوپێكه‌وتن له‌گه‌ڵ PUKmedia باسی كارو ژیانی هونه‌ری خۆی كرد، وتی: ھونه‌ری گۆرانی وتن به‌ھره‌یه‌كی خواییه‌ ئه‌وه‌ش ھه‌ر له‌ مناڵییه‌وه‌ ھه‌ستی پێ ئه‌كرێت منیش ھه‌ر له‌ مناڵیه‌وه‌ خولیای ھونه‌ری گۆرانی ووتنم ھه‌بووه‌و ئه‌و به‌ھره‌یه‌ش له‌ باوكمه‌وه‌ بۆمان ماوه‌ته‌وه‌، سه‌ره‌تای كاری ھونه‌ریم ئه‌گه‌ڕێته‌وه‌ بۆ ساڵی 2000، به‌ڵام وه‌ك یه‌كه‌م ده‌ركه‌وتنم له‌ تیڤییه‌وه‌ ساڵی 2013 بوو له‌ به‌رنامه‌ی خۆشترین ده‌نگ كه‌ له‌ كه‌ناڵی NRT2 وه‌ په‌خشكرا، وه‌ك پاڵپشت و ھاوكارم ھه‌موو خێزانه‌كه‌م به‌ گشتی و زۆرێك له‌ ھاوڕێ و ئازیزانم ھانده‌ر و ھاوكاری منن، ئه‌م به‌رھه‌مه‌ جیاواز له‌ به‌رھه‌مه‌كانی ترم له‌ ڕووی تێكست و موزیك و میلۆدیشه‌وه‌، تێكستی كاك ئه‌ژده‌ر خامۆش و میلۆدی ھونه‌رمه‌ندو ھاوڕێی ئازیزم نامۆیه‌، موزیك و میكس و ماسته‌ر كاك سیامه‌كی فه‌قێ زاده‌ كردویه‌تی. له‌ ستۆدیۆ ئه‌كتیڤ.

وتیشی:ھۆكاری دیار نه‌بوونم ئه‌وه‌یه‌ من نامه‌وێت وه‌ك زۆربه‌ی ھونه‌رمه‌ندانی كه‌ له‌ پێناوی به‌ ناوبانگ بوون به‌رھه‌می زۆر بكه‌م، به‌ڵام بۆ دڵی خه‌ڵك نه‌بێت یاخود ده‌ست به‌رم بۆ كۆپی كردنی ئاوازی فارسی و توركی .من ئه‌مه‌وێت به‌رھه‌مه‌كانم ھه‌مووی موڵكی خۆم بن له‌ ڕووی تێكست و میلۆدیش، ئاساییه‌ لای من ئه‌گه‌ر ساڵی گۆرانیه‌ك بڵاو بكه‌مه‌وه‌ به‌ڵای شایه‌نی گوێگرتن بێت و به‌ دڵی خه‌ڵكێك بێت كه‌ به‌ ڕاستی گوێگری ھونه‌رن ،له‌ داھاتوو به‌ به‌رھه‌می باشتر ئاشنا ئه‌بن كه‌ زۆربه‌ی میلۆدی خۆمه‌ و ھه‌موویان جیاوازن ھه‌م له‌ ڕووی تێكست میلۆدیش .

PUKmedia محه‌مه‌د عه‌بدولره‌حمان/شاره‌زور