یه‌كێتی: پارێزگاری كه‌ركوك یه‌كلایی نه‌بێته‌وه‌ ناچینه‌ حكومه‌ته‌وه‌

.

ئه‌ندامێكی سه‌ركردایه‌تی یه‌كێتیی نیشتمانیی كوردستان ڕایگه‌یاند: ئه‌گه‌ر پارێزگاری كه‌ركوك یه‌كلایی نه‌بێته‌وه‌ ناچنه‌ ناو حكومه‌ته‌وه‌.

له‌چاوپێكه‌وتنێكیدا له‌گه‌ڵ هه‌فته‌نامه‌ی ئاژانس، ڕه‌هبه‌ر سه‌ید برایم ئه‌ندامی سه‌ركردایه‌تی یه‌كێتیی نیشتمانیی كوردستان ڕایگه‌یاندووه‌: ئه‌وان له‌گه‌ڵ ئه‌وه‌دان هاوته‌ریب له‌گه‌ڵ پێكهێنانی حكومه‌تی پۆستی پارێزگاری كه‌ركوكیش یه‌كلایی بكرێته‌وه‌ و حكومه‌تی شه‌راكه‌تی ڕاسته‌قینه‌ پێكبهێنرێت.

سه‌باره‌ت به‌ پێشكه‌شكردنی ناو كاندیده‌كانی یه‌كێتی بۆپۆستی پارێزگاری كه‌ركوك  ئه‌و ئه‌ندامه‌ی سه‌ركردایه‌تی یه‌كێتی ده‌ڵێت: ئه‌وان ناوی كاندیده‌كانیان پێشكه‌شی پارتی كردووه‌، به‌ڵام پارتی ده‌ڵێت: ئه‌و كه‌سه‌ی كه‌ ده‌بێته‌ پارێزگاری كه‌ركوك نابێت ئه‌ندامی سه‌ركردایه‌تی یه‌كێتی بێت.

PUKmedia  هه‌فته‌نامه‌ی ئاژانس