پرسه‌نامه‌ی خاتوو هێرۆ بۆ خانه‌واده‌ی سه‌ركرده‌ جه‌بار فه‌رمان

.

بۆ كۆچی دوایی كاكه‌ ره‌وه‌ند جه‌بار فه‌رمان، خاتوو ئیبراهیم ئه‌حمه‌د پرسه‌نامه‌یه‌ك ئاراسته‌ی خانه‌واده‌ و كه‌سوكاری سه‌ركرده‌ی تێكۆشه‌ر جه‌بار فه‌مان ده‌كات

كه‌ ئه‌مه‌ ده‌قه‌كه‌یه‌تی:

به‌ڕێزان خانه‌واده‌ی هه‌ڤاڵ جه‌بار فه‌رمان

خوشكی ئازیزم سه‌بیحه‌خان

به‌ ‌داخ و په‌ژاره‌یه‌كی زۆره‌وه‌،‌ هه‌واڵی كۆچی دوایی (ڕه‌وه‌ند)ی جوانه‌مه‌رگمان پێگه‌یشت، به‌م بۆنه‌ غه‌مناكه‌وه‌ له‌ناخه‌وه‌ پرسه‌ و سه‌ره‌خۆشی خۆمان ئاڕاسته‌ی بنه‌ماڵه‌ تێكۆشه‌ره‌كه‌تان ده‌كه‌ین و هاوبه‌شی غه‌م و په‌ژاره‌تانین.

له‌ده‌ستدانی جوانه‌مه‌رگ كه‌ له‌بنه‌ماڵه‌یه‌كی خه‌باتگێر و تێكۆشه‌ره‌ و یادگاری سه‌ركرده‌ی نه‌مر(جه‌بار فه‌رمان‌)ه‌، كۆست و غه‌مێكی قووڵه‌ بۆ هه‌مووان و جێگه‌ی ئه‌سه‌فه‌. 

له‌ په‌روه‌ردگارمان داوایه‌‌ ئۆقره‌یی و دڵنه‌واییش به‌خانه‌واده‌ و هاوڕێیانی و هه‌موولایه‌ك ببه‌خشێت، دوایین ناخۆشیی و دڵ ته‌نگیتان بێت، گیانی ڕه‌وه‌ندی ئازیزیش به‌ به‌هه‌شتیی به‌رینی شاد بكات.

ٳنــا لله وٳنــا ٳلــيـة راجــعــون

هێرۆ ئیبراهیم ئه‌حمه‌د

PUKmedia تایبه‌ت