پۆلیس: سه‌ربازگه‌ی عائیشه‌ مه‌ترسی نیه‌

.

فه‌رمانده‌یی هێزه‌كانی پۆلیسی دیاله‌، دووپاتی ده‌كاته‌وه‌، سه‌ربازگه‌ی عائیشه‌، له‌ ناو جه‌رگه‌ی حه‌مرین له‌باكوری رۆژهه‌ڵاتی دیاله‌، هیچ مه‌ترسیه‌كی نیه‌ بۆناوچه‌كه‌.

عه‌قید غالب عه‌تیه‌، وته‌بێژی فه‌رمانده‌یی هێزه‌كانی پۆلیسی دیاله‌، رایگه‌یاندوه‌:"هێزه‌كانی پۆلیسی دیاله‌، به‌هه‌ماهه‌نگی له‌گه‌ڵ هێزه‌كانی سوپا،ئۆپراسیۆنێكیان بۆ كێوماڵكردنی ئه‌و ناوچه‌یه‌ ئه‌نجامداوه‌ كه‌ سه‌ربازگه‌ی عائیشه‌ی تێدایه‌، كه‌پێشتر گروپی تیرۆرستی داعش به‌كاریان ده‌هێناو چه‌ندین تاوانی جۆراوجۆریان تێدا ئه‌نجامدابوو".

رونیشكردوه‌ته‌وه‌:" ته‌واوی مه‌ترسیه‌كانی سه‌ر ئه‌و سه‌ربازگه‌یه‌ نه‌ماوه‌و ژماره‌یه‌ك بۆمبی چێنراویش ته‌قێنراونه‌ته‌وه‌و هیچ پێویست به‌دڵه‌ڕاكێ ناكات".

عه‌تیه‌ ئه‌وه‌شی وتووه‌:"  ته‌واوی سه‌ربازگه‌و مۆڵگه‌كانی داعش كه‌له‌سه‌ره‌تای په‌لاماره‌كانیان له‌ساڵی 2014 ه‌وه‌ تاكو ئه‌و كاته‌ی له‌ناوچوون له‌ناوچه‌كه‌ له‌ناو براون و مه‌ترسی گه‌ڕانه‌وه‌یان له‌سه‌ر نیه‌".

PUKmedia ئا: سامان یاروه‌یس