رووداوه‌كه‌ی كه‌نداو نرخی نه‌وت به‌رزده‌كاته‌وه‌

.

به‌هۆی هێرشكردنه‌ سه‌ر دوو كه‌شتی نه‌وت هه‌ڵگر له‌ كه‌نداوی عه‌مان، نرخی نه‌وت له‌ بازاڕه‌كانی جیهان به‌رزبووه‌وه‌.

ئاژانسه‌كانی هه‌واڵ ئه‌مڕۆ 13-6-2019، بڵاویانكرده‌وه‌ به‌هۆی هێرشكردنه‌ سه‌ر دوو كه‌شتی نه‌وت هه‌ڵگر له‌ كه‌نداوی عه‌مان، نرخی نه‌وت له‌ بازاڕه‌كانی جیهان به‌رزبووه‌وه‌.

راشیانگه‌یاندووه‌، ئه‌مڕۆش نرخی به‌رمیلێك نه‌وتی خاوی برنت له‌ بازاڕه‌كانی جیهان دۆلارێك و 80 سه‌نت به‌رزبووه‌وه‌و گه‌یشته‌ 61.82 دۆلار، هه‌روه‌ها نرخی به‌رمیلێك نه‌وتی خاوی ئه‌مریكا دۆلارێك و 45 سه‌نت به‌رزبووه‌وه‌و گه‌یشته‌ 52.59 دۆلار.

PUKmedia سكای نیوز العربیه‌