وه‌فدێكی رۆژئاوای كوردستان سه‌ردانی مه‌كته‌بی سیاسی ده‌كات

.

سه‌رله‌به‌یانی ئه‌مڕۆ (13/6/2019) عومه‌ر فه‌تاح كارگێڕی مه‌كته‌بی سیاسی به‌ ئاماده‌بوونی په‌روین كاكه‌ حه‌مه‌ ئه‌ندامی سه‌ركردایه‌تی و ته‌حسین نامیق لێپرسراوی په‌یوه‌ندییه‌كانی ده‌ره‌وه‌و هاوڕێ سه‌نگاو لێپرسراوی سكرتاریه‌تی كاروباری مه‌كته‌بی سیاسی، پێشوازیكرد له‌ وه‌فدێكی هاوبه‌شی هێزه‌ سیاسیه‌كانی رۆژئاوا به‌سه‌رۆكایه‌تی شاهۆز هاوسه‌رۆكی (په‌په‌ده‌).

له‌دیدارێكی دۆستانه‌دا، دۆخی سیاسی و دواگۆڕانكارییه‌كانی رۆژئاوای كوردستان و ناوچه‌كه‌ و په‌یوه‌ندییه‌كانی نێوان هه‌ردوولا تاوتوێكران و بیروڕایان له‌باره‌وه‌ گۆڕایه‌وه‌.

عومه‌ر فه‌تاح له‌ووته‌یه‌كیدا ئاماژه‌ی بۆ ئه‌وه‌دا، كه‌ لایه‌نه‌ سیاسیه‌كانی رۆژئاوا له‌روانگه‌ی به‌رژه‌وه‌ندی گه‌لی كوردستان و له‌به‌رچاوگرتنی هه‌ستیاری دۆخه‌كه‌ و گۆڕانكارییه‌كان ته‌بایی نێوانیان پته‌وبكه‌ن و به‌رێگای دانوستان و گفتوگۆ كێشه‌كان چاره‌سه‌ربكه‌ن.

كارگێڕی مه‌كته‌بی سیاسی جه‌ختیكرده‌وه‌، چاره‌سه‌ری ئاشتیانه‌ و دیموكراسیانه‌ بۆ پرسی ڕه‌وای كورد باشترین بژارده‌یه‌ه‌ له‌به‌رژه‌وه‌ندی هه‌موولایه‌كه‌.
لای حۆشیانه‌وه‌ وه‌فدی لایه‌نه‌ سیاسیه‌كانی رۆژئاوای كوردستان سوپاسی په‌رۆشی یه‌كێتیی نیشتمانیی كوردستانیان كرد، بۆ ته‌بایی لایه‌نه‌ سیاسیه‌كان و یه‌كریزی گه‌لی كوردستان له‌ رۆژئاوای كوردستان.

PUKmedia راگه‌یاندنی مه‌كته‌بی سیاسی