كۆگایه‌كی ئاماده‌كردنی جگه‌ر و گۆشت داده‌خرێت

.

به‌رێوبه‌رایه‌تی ئاسایشی سلێمانی و لیژنه‌ هاوبه‌شه‌كانی قائیمقامیه‌ت كۆگایه‌كیان داخست كه‌ ته‌واوی خواردنه‌كانی ناوی بۆگه‌نیان كردبووه‌و دوكانه‌كه‌شی به‌هۆی پیسیه‌وه‌ كرمی تێدابووه‌ .

به‌پێی راپۆرتی لیژنه‌ی یه‌كی سه‌ر به‌ لیژنه‌ هاوبه‌شه‌كانی قائیمقامیه‌تی سلێمانی، دوای ئه‌وه‌ی له‌لایه‌ن به‌رێوبه‌رایه‌تی ئاسایشی سلێمانییه‌وه‌ - ناو شار ئاگاداركرانه‌وه‌ له‌ بوونی دوكانێكی ئاماده‌كردنی گۆشت و جگه‌ر له‌ گه‌ڕه‌كی ێابونكه‌رانی شاری سلێمانی، لیژنه‌كه‌ سه‌ردانی ئه‌و دووكانه‌ی كردووه‌ و ده‌ركه‌وتووه‌ بڕێكی زۆر جگه‌ر و گۆشتی خراپبوو كه‌شێوه‌یه‌كی خراپ هه‌ڵگیراوه كه‌ بۆگه‌نیان كردبوو دوكانه‌كه‌شی به‌هۆی پیسیه‌وه‌ كرمی  تێدابووه‌  ده‌ستیان به‌سه‌ر بڕی زیاترله‌ 40 كیلۆ گرام جگه‌رو پارچه‌ی  ئاژه‌ڵی گه‌وره‌ گرتووه‌ كه‌ له‌ دوكانه‌كه‌یدا بووه‌ .

هه‌ر به‌پێی راپۆرتی لیژنه‌كه‌ ئه‌و كۆگایه‌ هیچ مه‌رجێكی ته‌ندروستی و ژینگه‌یی تێدا نه‌بووه‌ و هیچ مۆڵه‌تێكیشی نه‌بووه‌، دوای چه‌ندجار ئاگاداركردنه‌وه‌ و غرامه‌كردن و داخستن به‌هۆی پابه‌ند نه‌بوون به‌مه‌رج و ڕێنماییه‌ ته‌ندروستی و پیشه‌ییه‌كانه‌وه‌  له‌سه‌ر فه‌رمانی قائیمقامی سلێمانی كۆگاگه‌ داده‌خرێت تا ئه‌و كاته‌ی پابه‌ندی ته‌واوی مه‌رجه‌كان كاركردن ده‌بێته‌وه‌ ، هه‌ربۆیه‌ ته‌واوی ئه‌و جگه‌روگۆشته‌ی ناو كۆگاكه‌ له‌لایه‌ن لیژنه‌ی له‌ناوبردنه‌وه‌ له‌ناوده‌برێت.

PUKmedia  ڕاگه‌یاندنی قائمقامییه‌تی سلێمانی