ئاگرێكی گه‌وره‌ سنوری هه‌رێم – ئێران ده‌گرێته‌وه‌

.

ئێواره‌ی ئه‌مڕۆ له‌سنوری نێوان هه‌رێم و ئێران له‌ناوچه‌ی قۆره‌توو، ئاگرێكی گه‌وره‌ ده‌كه‌وێته‌وه‌و به‌شێكی زۆر له‌ پوش و پاوان و ده‌خڵودانی هاووڵاتیان ده‌سوتێنێت.

ئه‌حمه‌د حه‌مید هاووڵاتیه‌كی دانیشتووی گوندی مه‌حمود قه‌جه‌ر به‌ PUKmedia ی راگه‌یاند: ئاگره‌كه‌ له‌كه‌لی بێشكان له‌سنوری ئێرانه‌وه‌ هاتووه‌ته‌ ئه‌مدیوه‌و به‌شێكی زۆری پوش و پاوان و ده‌خڵودانی سنوری مه‌حمود قه‌جه‌رو سه‌ر قزڵ و چوار كڵاوی گرتووه‌ته‌وه‌.

وتیشی: زیانه‌كان زۆرن و ته‌نها هاووڵاتیان خۆیان خه‌ریكی كوژاندنه‌وه‌ین و هیچ لایه‌نی حكومی نه‌هاتووه‌ته‌ هانامانه‌وه‌.

رونیشكرده‌وه‌: تاكو ئێستا به‌رده‌وامه‌و ئاگره‌ زۆره‌و له‌توانای هاووڵاتیاندا نیه‌ بۆ كۆنتڕۆڵكردنی.

PUKmedia  تایبەت