نوێنه‌ران خوێندنه‌وه‌ی دووه‌م بۆ دوو پڕۆژه‌ یاسا ته‌واو ده‌كات

.

ئه‌نجومه‌نی نوێنه‌رانی عیراق، خوێندنه‌وه‌ی دووه‌می بۆ هه‌مواری هه‌ردوو یاسای هه‌ڵبژاردنی ئه‌نجومه‌نی پارێزگاكان و یاسای مافی شه‌هیدان كرد.

حه‌سه‌ن نه‌رمو ئه‌ندامی ئه‌نجومه‌نی نوێنه‌رانی عیراق له‌سه‌ر فراكسیۆنی یه‌كێتیی نیشتمانیی كوردستان ئه‌مڕۆ 11-6-2019، به‌ PUKmedia ی راگه‌یاند: له‌ دانیشتنی ئه‌مڕۆدا، نوێنه‌ران خوێندنه‌وه‌ی دووه‌می بۆ چه‌ند پڕۆژه‌ یاسایه‌ك كرد.

 راشیگه‌یاند: له‌ دانیشتنه‌كه‌دا خوێندنه‌وه‌ی دووه‌م بۆ هه‌مواری یه‌كه‌می یاسای هه‌ڵبژاردنی پارێزگاكان ژماره‌ (12) ی ساڵی 2018 كراوه‌، هه‌روه‌ها خوێندنه‌وه‌ی دووه‌م بۆ پڕۆژه‌ یاسای مافی شه‌هیدان كراوه‌.

حه‌سه‌ن نه‌رمۆ ئاماژه‌ی به‌وه‌شدا، ئه‌نجومه‌نی نوێنه‌ران، دانیشتنی ئه‌مڕۆی بۆ رۆژی پێنجشه‌ممه‌ی داهاتوو هه‌ڵگرت.

PUKmedia تایبه‌ت