ئاگرێكی گه‌وره‌ له‌خانه‌قین كه‌وته‌وه‌

.

له‌پێش نیوه‌ڕۆی ئه‌مڕۆوه‌ ئاگرێكی گه‌وره‌ له‌ناوه‌ندی خانه‌قین و له‌ناوچه‌ی داره‌ كوناره‌ كه‌وتووه‌ته‌وه‌و زیانێكی زۆری به‌دارستان و پاوانی ناوچه‌كه‌ گه‌یاندوه‌.

سه‌رچاوه‌یه‌كی تایبه‌ت له‌ پۆلیسی خانه‌قین به‌ PUKmedia ی راگه‌یاند: ئاگره‌ له‌ناو دارخورماكانی داره‌ كوناره‌یه‌، كه‌ ده‌كه‌وێته‌ ناوه‌ندی شاری خانه‌قین و به‌شێكی زۆری ئه‌و دره‌خت و پاوانانه‌ی ناوچه‌كه‌ی گرتووه‌ته‌وه‌.

وتیشی: زیانێكی ئێجگار زۆری پێگه‌یاندون ئه‌مه‌ جگه‌ له‌وه‌ی ژینگه‌ی شاره‌كه‌ی دوكه‌ڵاوی كردووه‌و ئاگره‌ له‌ ده‌ستی تیمه‌كانی ئاگركوژێنه‌وه‌و هاووڵاتیان ده‌رچووه‌.

رونیشكرده‌وه‌: پۆلیسی ده‌ستی به‌لێكۆڵینه‌وه‌ كردوه‌، به‌ڵام تاكو ئێستا نه‌زانراوه‌ به‌ئه‌نقه‌ست بووه‌ یان نا.

جه‌ختیكرده‌وه‌: تاكو ئێستا ئاگره‌كه‌ به‌رده‌وامه‌و تاكو دێت زیانه‌كانی زیاتر ده‌بن.

PUKmedia تایبەت