كۆسره‌ت ره‌سوڵ سه‌ره‌خۆشی له‌خانه‌واده‌ی حاجی حه‌مه‌لاوی قه‌یتول ده‌كات

.

به‌بۆنه‌ی كۆچی دوایی حاجی حه‌مه‌لاوی قه‌یتول-ه‌وه‌، كۆسره‌ت ره‌سوڵ عه‌لی جێگری سكرتێری گشتی یه‌كێتیی نیشتمانیی كوردستان، پرسه‌نامه‌یه‌ك ئاڕاسته‌ی خانه‌واده‌كه‌ی ده‌كات كه‌ ئه‌مه‌ ده‌قه‌كه‌یه‌تی..

به‌ناوی خوای گه‌وره‌و میهره‌بان

خانه‌واده‌ی تێكۆشه‌ری كه‌سایه‌تی دیار: حاجی حه‌مه‌لاوی قه‌یتول

زۆر به‌داخه‌وه‌ هه‌واڵی كۆچی دوایی كه‌سایه‌تی دیار و ناسراوی گه‌رمیان "حاجی حه‌مه‌لاوی قه‌یتول" باوكی سێ شه‌هیدمان بیست، حاجی حه‌مه‌لاوی قه‌یتول كه‌سایه‌تییه‌كی دیارو ناسراوو تێكۆشه‌ری گه‌رمیان بوو، خانه‌واده‌كه‌یان خانه‌واده‌یه‌كی قاره‌مان و تێكۆشه‌ر بوونه‌ و له‌ شۆڕشه‌كانی كورددا قوربانی زۆریان داوه‌و له‌ پرۆسه‌ی به‌دناوی ئه‌نفالدا ژماره‌یه‌كی زۆر له‌ ئه‌ندامانی خێزانه‌كه‌ی شه‌هید كران.

بۆ كۆچی دوایی حاجی حه‌مه‌لاوی قه‌یتول، پرسه‌و سه‌ره‌خۆشی و هاوخه‌می قووڵی خۆمتان ئاراسته‌ ده‌كه‌م و هیوادارم ئه‌مه‌ دوا كۆست و ناخۆشی خۆتان و خانه‌واده‌ تێكۆشه‌رو قاره‌مانه‌كه‌تان بێ، خوای گه‌وره‌ كۆچكردوو به‌ به‌هه‌شتی به‌رینی خۆی شاد بكات و سه‌بووری هه‌موو لایه‌ك بدات.

انا لله وانا الیه‌ راجعون

كۆسره‌ت ره‌سوڵ عه‌لی
جێگری سكرتێری گشتی
یه‌كێتیی نیشتمانیی كوردستان 

PUKmedia تایبه‌ت