ته‌ئكید له‌پته‌وكردنی په‌یوه‌ندییه‌كانی عیراق و توركیا كرایه‌وه‌

.

ئه‌مڕۆ 10-6-2019، د. به‌رھه‌م ساڵح سه‌رۆك كۆماری عیراق له‌ شاری ھه‌ولێر پێشوازی له‌  مه‌ولود چاوش ئۆغڵو، وه‌زیری ده‌ره‌وه‌ی توركیا كرد، سه‌باره‌ت به‌ دوا پێشھاته‌ سیاسی و ئه‌منییه‌كانی ناوچه‌كه‌ گفتوگۆكرا.

له‌ دیداره‌كه‌دا جه‌خت له‌ گرنگی ھاریكاری و دیالۆگی جددی كرایه‌وه‌ له‌ نێوان گشت لایه‌نه‌كان بۆ یه‌كخستنی هه‌وڵه‌كان و دۆزینه‌وه‌ی رێگاچاره‌ی گونجاو بۆ قه‌یرانه‌كانی ناوچه‌كه‌و دوركه‌وتنه‌وه‌ له‌زمانی ھه‌ڕه‌شه‌، له‌ پێناو سه‌قامگیری ئاسایش و خۆشگوزه‌رانی ئابوری له‌ ناوچه‌كه‌دا.

ھه‌ر له‌ دیداره‌كه‌دا باس له‌ به‌ھێزكردنی په‌یوه‌ندییه‌كانی نێوان عیراق و توركیا كرا به‌ جۆرێك كه‌ خزمه‌ت به‌ به‌رژه‌وه‌ندییه‌ ھاوبه‌شه‌كانی نێوان ھه‌ردوو وڵات بكات.

PUKmedia