داوای له‌سێداره‌دانی تاوانبارانی دلینی ته‌مه‌ن 10 ساڵان ده‌كرێت

.

به‌ڕێوه‌به‌ری پۆلیسی دهۆك راگه‌یاند، سزای ئه‌و كه‌سانه‌ی ئه‌و تاوانه‌یان به‌رامبه‌ر ئه‌و كچه‌ منداڵه‌ كردوه‌ سزایان له‌سێداره‌دانه‌.

تاریق ئه‌حمه‌د به‌ڕێوه‌به‌ری پۆلیسی دهۆك له‌كۆنگره‌یه‌كی رۆژنامه‌وانیدا رايگه‌یاند: ئه‌و كه‌سانه‌ی دلینی ته‌مه‌ن 10 ساڵانیان كوشت، ده‌ستگیر كراون و دانیان به‌تاوانه‌كه‌یاندا ناوه‌.

وتیشی: وه‌ك هێزی ئه‌منی پارێزگای دهۆك ده‌نگمان ده‌خه‌ینه‌ پاڵ ده‌نگی خه‌ڵك داواكارین ئه‌و كه‌سانه‌ سزای له‌سێداره‌دانیان بۆ ده‌ربچێت، چونكه‌ ئه‌و تاوانانه‌ له‌ كلتوری ئێمه‌دا هێجگار قێزه‌ونه‌.

به‌ڕێوه‌به‌ری پۆلیسی دهۆك راشیگه‌یاند: تاوانباران ده‌ستگیركراون و ئه‌و كه‌سانه‌ ناسیاوییان له‌گه‌ڵ باوكی دلینی ته‌مه‌ن 10 ساڵان هه‌بووه‌و له‌و رێگه‌یه‌وه‌ كچه‌كه‌یان هه‌ڵغه‌ڵه‌تاندوه‌و دووریان خستوه‌ته‌وه‌ به‌دار كوشتوویانه‌.

PUKmedia تایبه‌ت