دیاری قەرەداغی (گەر تۆ نەبی) بڵاوکردەوە

.

هونەرمەندی ناسراو دیاری قەرەداغی نوێترین بەرهەمی خۆی بەناوی (گەر تۆ نەبی) بەشێوەی میوزیک  ڤیدیو بڵاوکردەوە و کردییە جەژنانە بۆ گوێگرانی.

هونەرمەند دیاری قەرەداغی سەبارەت بەنوێترین بەرهەمی خۆی لەلێدوانێكدا بۆ PUKmedia وتی: (گەر تۆ نەبی) نوێترین بەرهەممە،  بەڕێز (لوقمان محەمەد رەشید)  تێكستەكەی نوسیووە و  میلۆدی ئەم بەرهەمە خۆم دامناوە. 

میوزیک لەلایەن (بڵند قەرەداغی و توانا فەرەج)ەوە کاری بۆ كراوە، (رۆزبێ میربێگی) دەرهێنانی كلیپەكەی كردووە.

دیاری قەرەداغی هونەرمەندێكی دیارە و ساڵی ١٩٦٧ لە شاری سلێمانی لەدایكبووە، جگە لە ڤیدیۆ كلیپ و كۆنسێرت و گۆرانی تۆماركراو، لەماوەی ڕابردوودا هەشت ئەلبومی گۆرانی بڵاوكردووەتەوە بەناوەكانی (سەراب، عەشق لێرە، سەدەیەك بێ ئارامی، بێدەنگی دەشكێنم، بۆنی خاك، نیشتمانێك لە گوڵ، سەردەمێكی تر ساڵی، ڕێی باران).

‏PUKmedia  تاژاو محەمەد

لینكی یاریدەدەر بۆ بینینی كلیپەكە..