خواردنی قه‌یسی بۆ جه‌ژن ته‌ندروسته‌؟

.

پسپۆڕێكی خۆراك له‌ هه‌رێمی كوردستان ڕایده‌گه‌یه‌نێت خواردنی قه‌یسی به‌ هۆی زۆری سوده‌كانی بۆ جه‌سته‌ی مرۆڤ، ده‌بێته‌ هۆی كه‌م كردنه‌وه‌ی زیانه‌كانی ئه‌و خۆراكانه‌ی له‌ جه‌ژن دا ده‌خورێن.

له‌ بابه‌تێكی ته‌ندروستیدا له‌شكر حه‌مید ئه‌ندازیاری خۆراك و سه‌رپه‌رشتیاری لیژنه‌ی ته‌ندروستی ئاماژه‌ی به‌وه‌كردووه‌، قه‌یسی ووشككراوه‌ یه‌كێكه‌ له‌ میوه‌ وشكراوه‌ زۆر به‌ سووده‌كان كه‌ كورده‌واری دا وه‌كو هێمای جه‌ژن ته‌ماشا ده‌كرێت كه‌ ئه‌مه‌ش بنه‌مای زانستی هه‌یه‌ به‌ هۆی زۆری سوده‌كانی بۆ جه‌سته‌ی مرۆڤ كه‌ ده‌بێته‌ هۆی كه‌م كردنه‌وه‌ی زیانه‌كانی ئه‌و خۆراكانه‌ی له‌ جه‌ژن دا ده‌خورێت به‌ تایبه‌تی خواردنی بڕێكی زۆر برنج و چه‌وری و شیرینی و سوێری و شه‌ربه‌ته‌ ده‌ست كرده‌كان و خواردنه‌وه‌ گازییه‌كان بۆیه‌ زۆر گرنگه‌ بۆ خواردنی جه‌ژن قه‌یسی بخۆین له‌به‌رئه‌وه‌ی كۆلستڕۆڵی تێدا نییه‌ ڕێژه‌یه‌كی باش پۆتاسیۆمی تێدایه‌ كه‌ كاریگه‌ری باشی هه‌یه‌ بۆ مێشكی مرۆڤ هه‌روه‌ها ده‌وڵه‌مه‌نده‌ به‌ڕیشاڵه‌كان په‌كتین و سلیلۆز كه‌ هه‌رس ئاسان ده‌كات و بۆ كۆڵۆن باشه‌و قه‌بزی ناهێڵێت.

قه‌یسی ڕێژه‌یه‌كی باش ڤیتامینه‌كانی تێدا یه‌ به‌ تایبه‌تی ڤیتامین A , c,B6 ڕێژه‌یه‌كی باشی كانزاكانی تێدایه‌ مادده‌ی دژه‌ ئۆكسێنی و دژه‌ هه‌وكردنی تێدایه‌، هاوسه‌نگی ڕێژه‌ی شه‌كر له‌ خوێن دا ڕاده‌گرێ، جه‌سته‌ پاك ده‌كاته‌وه‌ له‌ كۆلستڕۆڵه‌ زیان به‌خشه‌كان ڕێگره‌ له‌ زیادبوونی كێش و ماسولكه‌كان به‌هێز ده‌كات بۆیه‌ زۆر گرنگه‌ له‌ جه‌ژن دا قه‌یسی بخۆین.

PUKmedia تایبه‌ت