وته‌بێژی یه‌كێتیی: ده‌بێت كوردێكی یه‌كێتیی بۆ پارێزگاری كه‌ركوك ده‌ست نیشان بكرێت

.

له‌میانه‌ی به‌شداریكردنی له‌به‌رنامه‌ی پانۆرامای كوردستان نیوز، وته‌بێژی یه‌كێتیی ئاماژه‌ به‌هه‌ڵوێسته‌كانی یه‌كێتیی ده‌كات، كه‌ ده‌بێت كه‌سێكی یه‌كێتیی و كورد بۆ پۆستی پارێزگاری كه‌ركوك دابنرێت.

له‌تیف شێخ عومه‌ر وته‌بێژی یه‌كێتیی نیشتمانی كوردستان رایگه‌یاند:" كه‌ركوك به‌شێكه‌ له‌جه‌سته‌ی فیكرو سیاسی یه‌كێتیی، ئه‌وه‌ی كه‌ چه‌ند كه‌ركوك به‌لای یه‌كێتیه‌وه‌ مه‌به‌سته‌، به‌شێكی ئه‌وه‌یه‌ له‌ناو كه‌ركوكدا له‌ناو هه‌موو هه‌ڵبژاردنه‌كاندا كراوه‌ به‌ده‌نگێكی زۆر به‌رزه‌وه‌ له‌پێش هه‌موو لایه‌نه‌كانداین، له‌ناو كوردیشدا كه‌ركوك به‌شاری یه‌كێتیی ناسراوه‌، كه‌ به‌هه‌ڵبژاردنیش بێت له‌پێشه‌وه‌ی هه‌موو لایه‌نه‌كانین".

وتیشی:" پارتی رێگربووه‌ له‌دانانی پۆستی پارێزگاری كه‌ركوك بۆكورد، وه‌ ده‌بێت كوردێكی یه‌كێتیی بۆ پارێزگاری كه‌ركوك دابنرێت.

رونیشكرده‌وه‌:" هیوادارین پارتی واز له‌ سیاسه‌تی په‌راوێزخستن بهێنێت، كه‌س خێرمان پێناكات كه‌ركوك پارێزگاره‌كه‌ی یه‌كێتیی بێت، به‌ڵام له‌به‌ر ئه‌وه‌ی پێشووتر له‌گه‌ڵ پارتی له‌لیستی برایه‌تی بین، بۆیه‌ داوامان كردوه‌ له‌برایانی پارتی پارێزگار دابنێین.

جه‌ختیكرده‌وه‌:"پارتی مه‌به‌ستی ئه‌وه‌یه‌ سیاسیه‌تی په‌راوێزخستن و بچوكردنه‌وه‌ی یه‌كێتیی بگرێته‌به‌ر، به‌ڵام ئێمه‌ ئه‌وه‌مان پێ قبوڵناكرێت ، یه‌كێتیی وه‌ك هیچ حزبێكی ترنیه‌و ئه‌وه‌ی پ قبوڵ ناكرێت.

ئاماژه‌ی به‌وه‌شداوه‌:" یه‌كێتیی به‌رده‌وام جه‌خت له‌گفتوگۆ ده‌كات، هه‌نگاوی داهاتووی یه‌كێتیی به‌نده‌ به‌ هه‌ڵوێستی پارتیه‌وه‌، هیوادارین ناچار نه‌كرێین هه‌ڵوێستێكی نه‌خوازراومان هه‌بێت.

جه‌ختیكردوه‌ته‌وه‌:" یه‌كێتیی جه‌خت ده‌كات له‌سه‌ر شه‌راكه‌تی راسته‌قینه‌، بڕیاری سه‌ركردایه‌تی یه‌كێتیی، به‌شداری كارایه‌ له‌حكومه‌تی داهاتووی هه‌رێمی كوردستان، وه‌ به‌شداری یه‌كێتیی له‌پێناو به‌رژه‌وه‌ندیه‌كانی هاووڵاتیانه‌..

له‌باره‌ی رێكه‌وتنی نێوان یه‌كێتی و پارتی وتی:" ئه‌گه‌ر پارتی پابه‌ند نه‌بێت یه‌كێتیی ناتوانێت پابه‌ندی رێكه‌وتن بێت".

 له‌تیف شێخ عومه‌ر ئه‌وه‌شی ووت:"ئێمه‌ یه‌ك هه‌ڵبژاردنمان داناوه‌، یه‌كتری قبوڵكردن پێكه‌وه‌ كاركردن، یه‌كبوون به‌رامبه‌ر به‌رژه‌وه‌ندیه‌كانی گه‌له‌كه‌مان، هه‌ركات ناچار كراین و روبه‌ڕووی هه‌ڵوێستێكی نه‌خوازراو كراینه‌وه‌، ئه‌و جا هه‌ڵوێستێكی ترمان هه‌بێت. 

له‌باره‌ی سه‌تنی كۆنگره‌ی یه‌كێتییه‌وه‌ ووتی:"كۆنگره‌ پێویسته‌ بكرێت، ئه‌ركێكی زۆر گرنگه‌ بۆ یه‌كێتیی، له‌م چه‌ند ساڵه‌ی دوایدا به‌رده‌وام هۆیه‌كی نه‌خوازراو هه‌بووه‌ له‌دواكه‌وتنی كۆنگره‌دا، هیوادارین دوای ئه‌م هه‌موو چاوه‌ڕوانیه‌ ده‌رفه‌تێكی باش بێته‌پێشه‌وه‌ كه‌ كۆنگره‌یه‌كی سه‌ركه‌ووتوو، كه‌ بتوانێت  بڕیاره‌كانی كۆنگره‌ جێبه‌جێ بكات.

دووپاتی كرده‌وه‌:"ئه‌ركی سه‌ره‌كی كۆنگره‌ داڕاشتنه‌وه‌ی سیاسه‌تی بنچینه‌ی حزبێكه‌، نوێبوونه‌وه‌یه‌ له‌ به‌رنامه‌و سیاسه‌ت و پلانه‌كانیدا.

PUKmedia  داڕشتنه‌وه‌ 

.

PUKmedia  زانیاری نوێ بڵاو ده‌كه‌ینه‌وه‌