riklam

یه‌كێتی هێزی به‌رخۆدان و نوێگه‌ری و داهێنان

بیروڕا 01:31 PM - 2019-06-02
.

.

له‌ ساڵڕۆژی دامه‌زراندنی یه‌كێتییدا سه‌ره‌تا سه‌ری رێز ونه‌وازش داده‌نه‌وێنین بۆ گیانی به‌رز و هه‌میشه‌ سه‌وز و نه‌مریی شه‌هیدان ، كه‌ به‌خوێنی خۆیان رێگای مافی چاره‌نووسیان نه‌خشاند و سه‌روه‌ریی گه‌وره‌یان بۆ خۆیان و گه‌له‌كه‌یان تۆمار كرد. هه‌روه‌ها په‌یمانی به‌رده‌وامیی و به‌رخۆدان ده‌ده‌ین به‌ گیانی به‌رز و نه‌مری مامی شه‌هیدان سه‌رۆك مام جه‌لال ، كه‌ بووه‌ته‌ ره‌مزی كوردایه‌تی و خه‌باتی بێ وچان و خزمه‌ت به‌ گه‌ل و خاك و ئاشتیی و ئاوه‌دانیی .

ئێمه‌ له‌ سۆنگه‌ی كاروانی شه‌هیدان و رێبازی مامه‌وه‌ ده‌بێ ئه‌مرۆ له‌ هه‌موو رۆژێك زیاتر به‌ته‌نگیی یه‌كریزیی و تۆكمه‌كردنی په‌یكه‌ری یه‌كێتییه‌وه‌ بین به‌تایبه‌ت له‌ قۆناغی به‌ره‌وكۆنگره‌ چووندا ، بۆ ئه‌وه‌ی ئه‌م كۆنگره‌یه‌ ببێته‌ خاڵی وه‌رچه‌رخانی گه‌وره‌ و داهێنان و به‌خۆداچوونه‌وه‌ و نه‌خشه‌كێشانی داهاتووی رۆشن و پر سه‌روه‌ریی  بۆ گه‌لی كوردستان . بۆ ئه‌وه‌ی كۆنگره‌یه‌كی نه‌وعی و له‌ ئاستی چاوه‌ڕوانی كۆمه‌ڵانی خه‌ڵكی كوردستان ببه‌ستین بۆ ئه‌وه‌ی یه‌كێتی وه‌ك هه‌میشه‌ به‌دیهێنه‌ری خواست و هیواكانی گه‌ل بێت .

واته‌ كۆنگره‌مان بۆ نوێبوونه‌وه‌ی حیزب و پاشان بۆ بووژانه‌وه‌ی گیانی به‌رپرسیارێتی بێت له‌ناو خه‌ڵكدا به‌مه‌به‌ستی زاڵبوون بێت به‌سه‌ر گرفته‌ بابه‌تیی و زاتییه‌كاندا .و بۆ چاره‌سه‌ر و كردنه‌وه‌ی گرێكوێره‌كانی نێوان ناوه‌ند و هه‌رێمی كوردستان كه‌ پێویستی به‌ پێشه‌نگ و سه‌رمه‌شقی كرده‌یی وه‌ك تێكۆشه‌رانی یه‌كێتی نیشتمانیی كوردستانه‌ .

له‌م سه‌روبه‌نده‌دا پێویسته‌ بیر له‌ تازه‌كردنه‌وه‌ی فۆرم و ناوه‌رۆكی حیزبایه‌تی و روانگه‌ی سیاسی و ئابووری و كۆمه‌لایه‌تی و هزریی بكه‌ینه‌وه‌ . به‌تایبه‌تی به‌ پیاده‌كردنی بنه‌مای كه‌سی شیاو بۆ شوێنی شیاو . به‌ گرتنه‌به‌ری رێكاری زانستی و هه‌ره‌وه‌زیی له‌ ده‌ستبارگرتنی ئه‌ركی فره‌ ره‌هه‌ندی حكوومه‌ت و حیزب و په‌یوه‌ندییه‌ كوردستانیی و عیراقیی و ئیقلیمیی و نیوده‌وله‌تییه‌كان .

بۆ ئه‌وه‌ی یه‌كێتی و فیكری سیاسیی یه‌كیتی ببێته‌ مه‌رجه‌عی جێباوه‌ڕ و متمانه‌ی خه‌ڵك و هێزه‌ سیاسییه‌كانی كوردستان ، به‌نه‌فه‌سێكی درێژ و دیموكراتییانه‌ و سه‌رده‌میانه‌ كه‌ ره‌چاوی پێگه‌ی شیاو بكات بۆ ژنان و لاوان و ئه‌زموونی پیشمه‌رگه‌ و ریكخستن و تیكۆشه‌ره‌ دیرینه‌كان .
پێویسته‌ كۆتایی به‌ جه‌مسه‌سازیی و كوتله‌بازیی و ململانیی ناشه‌ریفانه‌ و به‌رژه‌وه‌ندیی ته‌سك و باڵ باڵێن و په‌رته‌وازه‌یی بهێنین و به‌رزه‌فتی و ئینزیباتێكی مه‌سئوولانه‌ بهێنینه‌ ناو كایه‌ی سیاسیی و حیزبی و له‌مه‌ولا بریاره‌كان مه‌ركه‌زیی و ده‌ربڕی رای زۆرینه‌ی سه‌ركردایه‌تی و كادێران و ئه‌ندام و لایه‌نگرانی یه‌كێتی بن .

به‌هیوای ئه‌وه‌ی ئه‌م ساڵرۆژه‌ بۆ گه‌له‌كه‌مان جوانترین ده‌سكه‌وت و ئاسۆی سه‌ركه‌وتن بێت .

نوسینی : سۆزان ئه‌نوه‌ر


PUKmedia تایبه‌ت

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket