مەكتەبی سیاسی كۆبووەوە

ئه‌رشیف

پێشنیوه‌ڕۆی ئه‌مڕۆ یه‌كشه‌ممه‌ 2-6-2019 ، به‌سه‌رپه‌رشتی كۆسره‌ت ره‌سوڵ عه‌لی جێگری سكرتێری گشتی، مه‌كته‌بی سیاسی یه‌كێتیی نیستمانیی كوردستان له‌سلێمانی كۆبوه‌وه‌.

به‌پێی زانیارییه‌كانی PUKmedia، كۆبوونه‌وه‌كه‌ ته‌رخانكرابوو بۆ تاوتوێكردنی پێشهات و رووداوه‌ ناوخۆیی و ناوچه‌ییه‌كان، به‌تایبه‌ت پرسی پێكهێنانی حكومه‌ت و هه‌ڵوێستی یه‌كێتی بۆ چاره‌سه‌ركردنی پرسی كه‌ركوك، له‌كاتێدا كه‌ هه‌ڕه‌شه‌و مه‌ترسی و فیتنه‌ له‌سه‌ر شاره‌كه‌ چڕده‌كرێته‌وه‌، بۆیه‌ یه‌كێتی وه‌ك هێزێكی به‌رپرسیارو خاوه‌ن سه‌نگی شاره‌كه‌ خه‌مخۆری راسته‌قینه‌ی چاره‌سه‌ره‌ كه‌ له‌به‌رژه‌وه‌ندی گشتی و كه‌ركوكییه‌كاندا بێت به‌تایبه‌تی.

له‌كۆبوونه‌وه‌كه‌دا یه‌كێتی هه‌ڵوێستی له‌باره‌ی یه‌كبڕیاری له‌سه‌ر پرسی پێكهێنانی حكومه‌ت و به‌شداری یه‌كێتی به‌پێی رێككه‌وتن و پاكێچه‌كانی هه‌رێم و كه‌ركوك و به‌غدا له‌گه‌ڵ پارتی دووپاتكردوه‌ته‌وه‌، هه‌روه‌ها بابه‌تێكی دیكه‌ی كۆبوونه‌وه‌كه‌ تایبه‌ت بووه‌ به‌پرسه‌ناوخۆییه‌كانی حزب و كاری رێكخراوه‌یی.

له‌كۆبوونه‌وه‌كه‌دا د.به‌رهه‌م ئه‌حمه‌د ساڵح جێگری دووه‌می سكرتێری یه‌كێتیی نیشتمانیی كوردستان به‌ڤیدیۆ كۆنفرانس به‌شداری كۆبوونه‌وه‌ی مه‌كته‌بی سیاسی كرد.

PUKmedia تایبه‌ت