خاتوو شاناز خانه‌واده‌ی یه‌كێتی نیشتمانی كوردستان به‌سه‌رده‌كاته‌وه‌

.

خاتوو شاناز برایم ئه‌حمه‌د خانه‌واده‌یه‌ك به‌سه‌رده‌كاته‌وه‌ ناوی منداڵه‌كانی ناوه‌ ( یه‌كێتیی نیشتمانیی كوردستان سه‌وزه‌ ئاره‌زوو.

خاتوو شاناز برایم ئه‌حمه‌د، له‌ ساڵیادی دامه‌زراندنی یه‌كێتیدا، خانه‌واده‌یه‌ك له‌ شاری سلێمانی به‌سه‌رده‌كاته‌وه‌ كه‌ سیان له‌منداڵه‌كانیان به‌ناوی ( یه‌كێتی، نیشتمان، كوردستان )ه‌وه‌ ناوناوه‌ له‌به‌رامبه‌ر خۆشه‌ویستی و وه‌فایان بۆ حزبی شه‌هیدان و مام.

له‌و سه‌ردانه‌یدا، خاتوو شاناز برایم ئه‌حمه‌د، له‌نزیكه‌وه‌ به‌سه‌رهاتی ناونانی منداڵه‌كانی له‌زاری دایك و باوكیانه‌وه‌ بیست و هه‌ڵوێسته‌كه‌یانی به‌رزنرخاند.

حه‌مه‌ی مانگر، باوكی منداڵه‌كان، ساڵی 1991یه‌كێك بوو له‌ مانگره‌كانی سلێمانی بۆ داواكاری هێڵی 36 له‌نه‌ته‌وه‌یه‌كگرتوه‌كان، له‌ دڵسۆزی و خۆشه‌ویستی بۆ بیروباوه‌ڕ و رێبازی یه‌كێتی و مام، ناوی منداڵه‌كانی به‌مشێوه‌یه‌ ناوه‌، یه‌كه‌م منداڵ ( یه‌كێتی )، دووه‌م منداڵ ( نیشتمان )، سێیه‌م منداڵ ( كوردستان )، وه‌ك خۆی باسی ده‌كرد دوای ئه‌وه‌ی هه‌ندێك كه‌س ره‌خنه‌یان له‌و هه‌ڵوێسته‌ی گرتووه‌، بۆیه‌ منداڵی چواره‌می ناوناوه‌ ( سه‌وزه‌ ) و پێنجه‌میش ( ئاره‌زوو )، واتا به‌ یه‌كه‌وه‌ ناوی هه‌ر پێنج منداڵه‌كه‌ی به‌مشێوه‌یه‌ رێكخستوه‌ یه‌كێتی نیشتمانی كوردستان سه‌وزه‌ به‌ئاره‌زوو.

PUKmedia تایبه‌ت