riklam

فراكسیۆنی یه‌كێتی: یادی دامه‌زراندنی یه‌كێتی زیندو بوونه‌وه‌ی خه‌باتی سه‌رده‌میانه‌یه‌

ی.ن.ک‌‌ 08:42 PM - 2019-06-01
.

.

به‌بۆنه‌ی یادی 44 ساڵه‌ی دامه‌زراندنی یه‌كێتیی نیشتمانیی كوردستانه‌وه‌، ‎فراكسیۆنی یه‌كێتی په‌یامێكی پیرۆزبای ئاڕ‌استه‌ی خانه‌واده‌ی سه‌ربه‌رزی شه‌هیدان و پێشمه‌رگه‌ قاره‌مانه‌كان و هه‌ڤاڵان و جه‌ماوه‌ری یه‌كێتیی ده‌كات، كه‌ ئه‌مه‌ ده‌قه‌كه‌یه‌تی...

گه‌لی سه‌رفرازی كوردستان!

‎خانه‌واده‌ی سه‌ربه‌رزی شه‌هیدان و پێشمه‌رگه‌ قاره‌مانه‌كان و هه‌ڤاڵان و جه‌ماوه‌ری به‌شه‌ره‌فی یه‌كێتیی نیشتیمانی كوردستان!

‎ئه‌مڕ‌ۆ، دوای هه‌وراز و نشێوی سه‌خت و خه‌باتی بێوێنه‌ی شۆرشگێری و خۆڕ‌اگری، یه‌كێتییه‌كه‌تان (44)ئه‌مین ساڵیادی دامه‌زراندنی خۆی ده‌كاته‌وه‌. له‌م رۆژه‌ سه‌ربڵنده‌دا، كه‌ تا كوردێك مابێت وه‌ك رۆژی زیندووبونه‌وه‌ی خه‌باتی سه‌رده‌میانه‌ی كورد داده‌نرێت، پیرۆزبایی له‌ كه‌سوكاری سه‌ربه‌رزی شه‌هیدان و تێكۆشه‌ران و یه‌كه‌ به‌ یه‌كه‌ی هه‌ڤاڵانمان و ده‌نگده‌رانمان ده‌كه‌ین.

‎یه‌كێتیی نیشتمانیی كوردستان به‌ درێژایی خه‌باتی  بێوچانه‌ی خۆیدا داینه‌مۆی پێشكه‌وتن و گۆڕ‌انكاری ڕ‌استه‌قینه‌ بووه‌ هه‌م له‌ سه‌رده‌می شاخ و هه‌م له‌ قۆناغی خۆگونجاندنی له‌گه‌ڵ سه‌رده‌م و  سیاسه‌تی نوێی شاردا. ئاشكراشه‌ بۆ گه‌لی كوردستان كه‌ له‌ خه‌باتی سیاسیی سه‌رده‌میانه‌دا یه‌كێتیی پێشه‌نگی جله‌وی ئازادی و دیمۆكراسیدا بووه‌ به‌ راده‌یه‌ك هه‌رده‌م ئاماده‌یی تێدابووه‌ كه‌ خۆشی له‌پێناودا به‌خت بكات له‌و ڕ‌ووه‌وه‌ له‌سه‌ر ئاستی مێژووی خه‌باتی شۆڕ‌شگێری جیهان و ناوچه‌كه‌شدا كه‌موێنه‌یه‌. 

‎كوردستانیانی دڵسۆز  و هه‌ڤاڵانی  خه‌مخۆری یه‌كێتیی!

‎له‌م خوله‌ی په‌رله‌ماندا، فراكسیۆنی یه‌كێتیی نمونه‌ی ڕ‌ه‌نگدانه‌وه‌ی قوربانی و خه‌باتگێری و بیری نوێی حیزبه‌ تێكۆشه‌ره‌كه‌تانه‌. هه‌ر له‌م ماوه‌ كورته‌ی ئه‌م خوله‌دا هه‌وڵی ته‌واوی خۆی داوه‌ كه‌ ده‌نگی شه‌قام و ئازادیخواز و دیمۆكراتخواز بێت له‌ نێو په‌رله‌ماندا و به‌ به‌رپرسیاریه‌تییه‌وه‌ نوێنه‌رایه‌تی هاو11وڵاتیان و هه‌ڤاڵان و یه‌كێتیه‌كه‌ی مامی كۆچكردومان بكات.

‎هه‌ر له‌ سۆنگه‌ی خه‌مخۆریشمانه‌وه‌، فراكسیۆنی یه‌كێتیی هه‌ر وه‌كو كادیرانی حزب و سه‌ركرده‌كانی خۆمان ئومێد ده‌كه‌ین كۆنگره‌ بكرێت و قۆناغێكی نوێ له‌ خه‌باتی كورد و یه‌كێتییدا ده‌ستپێبكه‌ین، هه‌ر وه‌ك چۆن كۆنگره‌كانی رابردوو هه‌وێنی نوێبوونه‌وه‌ و ئاوێته‌ی سه‌رده‌میانه‌ی خه‌باتی سیاسی كورد بووه‌.

‎له‌ كۆتاییدا، سه‌ری ڕ‌ێز و نه‌وازش بۆ گیانی پاكی شه‌ھیدانمان و خه‌باتگێرانی كۆچكردوو و مامی كوچكردوومان جه‌نابی (مام جه‌لال) داده‌نوێنین. سڵاو بێپایانمان بۆ كه‌سوكاری سه‌ربه‌رزی شه‌هیدان و پێشمه‌رگه‌ تێكۆشه‌ره‌كان و كه‌مئه‌ندامی سه‌نگه‌ر و زیندانانی سیاسیو هه‌ڤاڵان و ده‌نگده‌رانی یه‌كێتیی.

‎فراكسیۆنی یه‌كێتیی نیشتیمانی كوردستان

PUKmedia تایبه‌ت

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket