سكاڵاكارێك: بههیچ شێوهیهك لهگهڵ شاسوار سازش ناكهین
کوردستان 01:05 PM - 2019-05-27.
سكاڵاكارێكی رۆژنامەنووس جەخت دەكاتەوە، بەهیچ شێوەیەك سازش لە سكاڵاكەیان لەدژی شاسوار عەبدولواحید و باندەكەی ناكەن و هەموو ئەو دەنگۆیانەش رەتدەكاتەوە كە گوایە لە دانیشتنی دوێنێی دادگادا پارێزەرانی شاسوار عەبدولواحید ئامادە نەبووبێتن. دەشڵێت، باندەكەی دانیان بەوەدا ناوە كە ئەو سایت و پەیجانەی بابەت و ناوزڕاندنەكانی تێدا بڵاوكراوەتەوە سەربە شاسوار عەبدولواحیدن و لەلایەن ئەوەوە پاڵپشتی دارایی و ئاڕاستە كراون.
محەمەد هەورامی رۆژنامەنووس و سكاڵاكار لە شاسوار عەبدولواحید و باندەكەی بە PUKmedia ی راگەیاند: دوێنێ یەك شەممە 26-5-2019، لەسەر داوای دادوەری ئاسایش لەگەڵ كۆمەڵێك رۆژنامەنووسی دیكە و باندەكەی شاسوار عەبدولواحید و پارێزەرەكانی، بۆ ماوەی پێنج سەعات لە دادگای سلێمانی، لەسەر بنەمای ئەو سكاڵایانەی دژی شاسوار عەبدولواحید و باندەكەی تۆمارمان كردبوون، رووبەڕوو بووینەوە.
وتیشی: لەدانیشتنەكەی دادگادا و لەپێشچاوی دادوەری ئاسایش، باندەكە دانیان بەوەدا ناوە كە ئەو سایت و پەیجانەی بابەت و ناوزڕاندنەكانی تێدا بڵاوكراونەتەوە سەر بە شاسوار عەبدولواحیدن و لەلایەن ئەوەوە پاڵپشتی دارایی و ئاڕاستە كراون.
راشیگەیاند: دانیشیان بەوەدا ناوە كە لەلایەن ئەو پەیج و سایتانەوە تەشهیر و ناوزڕاندن بەو رۆژنامەنووسانە كراوە و ئەوەی جێی پرسیارە ئەوەیە كە ئێمە هیچ كێشەیەكی شەخسییان لەگەڵ شاسوار عەبدولواحید دا نییە و تەنانەت پێش ئەوەی دەست بەبڵاوكردنەوەی ئەو بابەتانە بكرێت، دۆستایەتیمان لەگەڵیدا هەبووە.
محەمەد هەورامی وتیشی: شاسوار عەبدولواحید پێش دەستگیركردنی ئاگادار كراوەتەوە كە دەست لەو كارە قێزەونانەی هەڵگرێت و تەشهیركردن بەرۆژنامەنووسان راگرێت، بەڵام ئەو نكوڵی لێكردووە یاخود وەڵامی نەیاوەتەوە، لەكاتێكدا دوێنێ دوای دانپێدانانەكانی باندەكەی، شاسوار عەبدولواحید بێدەنگ بووە.
جەختیشی كردەوە: هەموو ئەو هەواڵانەی كە لە میدیاكانی سەر بەشاسوار عەبدولواحید و نەوەی نوێوە بڵاودەكرێنەوە كە گوایە لە دانیشتنەكەی دوێنێی دادگادا رێگەنەدراوە پارێزەرەكانی شاسوار عەبدولواحید ئامادەبن دوورن لە راستییەوە، بەپێچەوانەوە هەردوو پارێزەرەكەی لەسەرەتای دانیشتنەكە تا كۆتایی ئامادەبوون.
محەمەد هەورامی رۆژنامەنووس راشیگەیاند: بەهیچ شێوەیەك سازش لەسەر مافەكانمان ناكەین، چونكە ئەو بابەتانەی لە دژمان بڵاوكراونەتەوە سەرجەمیان دوورن لەڕاستییەوە و ئێمەیان تووشی بارودۆخێكی كۆمەڵایەتی و دەرونی خراپ كردووە و بەهۆیەوە ئازادییەكانمان بەرتەسك بووەتەوە.
دوێنێ یەك شەممە 26-5-2019، دادگای سلێمانی دانیشتنێكی رووبەروبوونەوەی دادگایی كردنی بە ئامادەبوونی پێنج رۆژنامەنووس كەپێكهاتبوون لە(كەمال رەئوف سەرنووسەری ماڵپەری شار و نیاز سەعید نووسەر و سیاسیی و تاریق فاتیح سەرنووسەری هاووڵاتی و محەمەد هەورامی رۆژنامەنووس و سیروان رەشید رۆژنامەنووس) لەبەرامبەر ئامادەبوونی 10 ئەدمینی پەیجەكانی (فایلی نهێنی و داهاتویەكی نوێ و رۆژگوڵ و پەیج و ماڵپەری رۆژنامەو....) و شاسوار عەبدولواحیدی سەرۆكی جووڵانەوەی نوێ و 2 سكرتێری سەرۆكی جووڵانەوەكەو 2 پارێزەری ناوبراوان رێكخست.
PUKmedia تایبهت
هەواڵی زیاتر
-
د. بڕیار رەشید: تەوتینی مووچە لەهەرێم بە ئاسانی دەکرێت
08:31 PM - 2024-04-18 -
كونسوڵی روسیا: یهكێتی هێزێكی كاریگهره
04:42 PM - 2024-04-18 -
وتەبێژی یەکێتی: حکومەت و پەرلەمانێکی کارامان دەوێت
02:20 PM - 2024-04-18 -
جهزای سهید مهجید وهك لێپرسراوی بەشی كارگێڕیی رێكخستن دهسبهكاربوو
01:21 PM - 2024-04-18
ئەمانەش ببینە
کوردستان 05:05 PM - 2024-04-18 ئەنجومەنی سەرکردایەتی: پاراستن و بەهێزکردنی هەرێم تەنها بەهەڵبژاردن دەبێت
سەرۆک بافڵ: یەکێتی ئامادەی هەڵبژاردنە
03:49 PM - 2024-04-18
کۆمسیۆن وادەی بانگەشەی هەڵبژاردن دیاریدەکات
10:29 AM - 2024-04-18
ئهنجومهنی سهركردایهتی بۆ ئامادهكارییهكانی ههڵبژاردن كۆدهبێتهوه
10:01 AM - 2024-04-18
سەرۆک بافڵ و سەید عەممار حەکیم: گفتۆگۆی بنیاتنەرانە لە پێناوی سەقامگیریدا بێت
10:06 PM - 2024-04-17
زۆرترین خوێنراو
-
د. بڕیار رەشید: تەوتینی مووچە لەهەرێم بە ئاسانی دەکرێت
کوردستان 08:31 PM - 2024-04-18 -
ئەنجومەنی سەرکردایەتی: پاراستن و بەهێزکردنی هەرێم تەنها بەهەڵبژاردن دەبێت
کوردستان 05:05 PM - 2024-04-18 -
كونسوڵی روسیا: یهكێتی هێزێكی كاریگهره
کوردستان 04:42 PM - 2024-04-18 -
سەرۆک بافڵ: یەکێتی ئامادەی هەڵبژاردنە
کوردستان 03:49 PM - 2024-04-18 -
وتەبێژی یەکێتی: حکومەت و پەرلەمانێکی کارامان دەوێت
کوردستان 02:20 PM - 2024-04-18 -
جهزای سهید مهجید وهك لێپرسراوی بەشی كارگێڕیی رێكخستن دهسبهكاربوو
کوردستان 01:21 PM - 2024-04-18 -
کۆمسیۆن وادەی بانگەشەی هەڵبژاردن دیاریدەکات
کوردستان 10:29 AM - 2024-04-18 -
ئێزدییەكان ، دیرۆك و دابونەریتیان
کوردستان 10:05 AM - 2024-04-18