وه‌زیری دارایی: پێش جه‌ژن مووچه‌ دابه‌شده‌كرێت

.

وه‌زیری دارایی حكومه‌تی هه‌رێمی ڕایگه‌یاند پێش جه‌ژنی ڕه‌مه‌زان مووچه‌یه‌كی دیكه‌ دابه‌شده‌كرێت و ناردنی چوار مانگی مووچه‌ی پێشمه‌رگه‌ش دووره‌ له‌ڕاستییه‌وه‌.

كه‌مێك پێش ئێستا ڕێباز حه‌ملان وه‌زیری دارایی و ئابووری هه‌رێمی كوردستان له‌ كۆنفرانسێكی ڕۆژنامه‌وانیدا ڕایگه‌یاند: به‌غدا ساڵی ڕابردوو 9 مووچه‌ی ڕه‌وانه‌ی هه‌رێم كردووه‌ و ئه‌و پاره‌ی كه‌ به‌غدا ناردۆیه‌تی له‌ پێنج مانگی ڕابردوودا مووچه‌ی سێ مانگی كۆتایی ساڵی 2018 و دوو مانگی ساڵی 2019 ی پێدراوه‌.

 وه‌زیری دارایی وتیشی: مانگانه‌ بۆ دابه‌شكردنی مووچه‌ی فه‌رمانبه‌ران پێویستمان به‌ 881 ملیار دینار هه‌یه‌ و ئه‌و بڕه‌ پاره‌یه‌ی كه‌ به‌غدا ڕه‌وانه‌ی هه‌رێمی كوردستانی ده‌كات به‌شی فه‌رمانبه‌ران ناكات.

ڕێباز حه‌ملان وتیشی: به‌شێك له‌و زانیارییانه‌ی كه‌ له‌باره‌ی مووچه‌وه‌ بڵاو ده‌كرێنه‌و دوورن له‌ڕاستییه‌وه‌ و به‌غدا مووچه‌ی چوار مانگی پێشمه‌رگه‌ی نه‌ناردووه‌.
 وه‌زیری دارایی هه‌رێمی كوردستان وتیشی: پێش جه‌ژنی پیرۆزی مانگی ڕه‌مه‌زان مووچه‌یه‌كی دیكه‌ دابه‌شده‌كه‌ن.

PUKmedia تایبه‌ت