پێنج راوچی ده‌ستگیر ده‌كرێن

.

پۆلیسی دارستان و ژینگه‌ی سلێمانی ده‌ستگیركردنی پێنج راوچی له‌ سنووری سلێمانی پارێزگای راگه‌یاند.

له‌ڕاگه‌یه‌نراوێكی به‌ڕێوه‌به‌رایه‌تی پۆلیسی دارستان و ژینگه‌ی سلێمانی كه‌ كۆپییه‌كی بۆ PUKmedia نێردراوه‌، عمید هێمن كمرخان رایگه‌یاند: له‌  ئه‌نجامی  ده‌رچونی مه‌فره‌زه‌یه‌كی  به‌شی پۆلیسی دارستان و ژینگه‌ی سلێمانی  بۆ سنووری گوندی باڵچوخ توانیان چوار راوچی ده‌ستگیربكه‌ن كه‌ سه‌رقاڵی راوكردنی ماسی بوون، ده‌ستیشیان به‌سه‌ر تۆڕێكی ماسیدا گرتووه‌.

راشیگه‌یاند: مه‌فره‌زه‌یه‌كی بنكه‌ی پۆلیسی دارستان و ژینگه‌ی پیره‌مه‌گرون توانیویانه‌ له‌ گوندی قه‌ره‌چه‌تان راوچییه‌ك ده‌ستگیربكه‌ن كه‌ سه‌رقاڵی راوكردنی باڵنده‌ی كێویی بووه‌ و ده‌ستیش به‌سه‌ر سه‌رجه‌م كه‌ره‌سته‌كانی راوكردنه‌كه‌یدا گیراوه‌.

به‌ڕێوه‌به‌ری راگه‌یاندنی پۆلیسی دارستان و ژینگه‌ی سلێمانی وتیشی: له‌ئێستادا په‌ڕاوی لێكۆڵینه‌وه‌ بۆ ده‌ستگیركراوه‌كان كراوه‌ته‌وه‌ رووبه‌ڕوی یاساكراونه‌ته‌وه‌.   

PUKmedia به‌ڕێوه‌به‌رایه‌تی پۆلیسی دارستان و ژینگه‌ی سلێمانی