پیرۆزبایی بانكی زانیاری بۆ رێكخراوی ئازادی لاوان

.

بانكی زانیاری یەكێتیی نیشتمانیی كوردستان بەبۆنەی یادی 20 ساڵەی دامەزراندنی یەكێتی لاوانی كوردستانەوە پەیامێكی پیرۆزباییان ئاڕاستە دەكات.
دەقی پەیامەكە...

بەرێز/  ڕێكخراوی ئازادی لاوانی كوردستان.

دوای سڵاو و رێز....
  لە یادی (٢٠) ساڵەی دامەزراندنی ڕێكخراوی ئازادی لاوانی كوردستان پیرۆزبایەكی گەرم و ڕەند ئاڕاستەی سكرتێر و ئەندامانی سكرتاریەت و سەرجەم ئەندامانی ڕێكخراوە هاوچەرخەكەتان دەكەین. سەرەڕای هەموو ئەو پرس و ئاریشە سیاسی و كۆمەڵایەتی و ئابووریی و كلتوریەكان، ئەو تەمەنەی لە كاری ڕێكخراوەیی و پەروەردە و پێگەیاندنی لاواندا بەڕێتان كردووە، توانیوتانە خزمەتێكی مەزن پێشكەشی لاوان و كۆی چین و توێژەكانی كۆمەڵگەی كوردی بكەن و هەمیشە پێشەنگ بن لە داكۆكی كردن لە خواست و مافی لاوانی كوردستان.
بە ئومێدین لە كار وچالاكی ڕێكخراوەیتاندا، بە سوود وەرگرتن لە سەرچاوە مرۆییەكانی لاوانی كوردستان ، گەشە و پەرەسەندنی زیاتر بە خۆتانەوە ببینن و ببنە نموونە لە هەموو مەیدانەكاندا.

هەمیشە سەركەوتووبن.

بانكی زانیاری (ی.ن.ك)

PUKmedia  تايبةت