فڕۆكه‌یه‌ك لە درەختێك گیردەبێت

.

له‌وڵاتی ئه‌ڵمانیا فڕۆكه‌یه‌كی بچووكی تایبه‌تی كه‌ دوو هاووڵاتی به‌ته‌مه‌نی تێدا بووه‌، له‌نێوان لق و پۆی دره‌ختێكدا گیر بووه‌و دوای چه‌ند سه‌عاتێك گیانیان رزگاركراوه‌.

رۆژنامه‌ی بێڵدی ئه‌ڵمانیا بڵاویكردوه‌ته‌وه‌:" دوێنێ شه‌ممه‌، دوو هاووڵاتی به‌ته‌مه‌ن  له‌كاتێكدا به‌فڕۆكه‌یه‌كی تایبه‌ت گه‌شتیان كردبوو، له‌نێوان چڵ و پۆكانی دره‌ختێكدا ماونه‌ته‌وه‌و گیریانخواردوه‌.

رونیشكراوه‌ته‌وه‌، ئه‌و دوو هاووڵاتیه‌ ناچاربوون  بۆماوه‌ی چه‌ند سه‌عاتێك له‌به‌رزاییه‌كانی نێو ئه‌و دره‌خته‌دابمێننه‌وه‌، تاكو تیمه‌كانی فریاكه‌وتن به‌هانایانه‌وه‌ چوون.

هه‌ر به‌پێی زانیاریه‌كان، ئه‌و فڕۆكه‌یه‌ له‌به‌رزی 10 مه‌تر هه‌ندێك پێیانوابووه‌ كه‌ چوار مه‌تربووه‌ ماونه‌ته‌وه‌، به‌ڵام له‌به‌ر ئه‌وه‌ی ته‌مه‌نیان گه‌وره‌ بووه‌، نه‌یانتوانیوه‌ خۆیان رزگاربكه‌ن، تاكو تیمه‌كانی فریاكه‌وتن به‌هانایانه‌وه‌ چوون.

PUKmedia ئاژانسەكان