قوباد تاڵه‌بانی: ئازادی لاوان هیوای ئێستاو ئاینده‌یه‌

.

قوباد تاڵه‌بانی جێگری سه‌رۆك وه‌زیرانی حكومه‌تی هه‌رێمی كوردستان له‌ بروسكه‌یه‌كدا پیرۆزبایی دامه‌زراندنی له‌ رێكخراوی ئازادی لاوانی كوردستان ده‌كات.

ده‌قی پیرۆزباییه‌كه‌...
به‌ڕێزان سكرتێری ڕێكخراوی ئازادی لاوانی كوردستان
 ئه‌ندامانی سكرتاریه‌ت و لاوانی چالاك
بیسته‌مین ساڵیادی دامه‌زراندنی ڕێكخراوی ئازادی لاوانی كوردستان پیرۆز ده‌كه‌م و له‌م یاده‌دا كه‌ هاوكاته‌ له‌گه‌ڵ نزیكبونه‌وه‌مان له‌ یاده‌ مه‌زنه‌كه‌ی دامه‌زراندنی یه‌كێتیی نیشتمانیی كوردستان، هیوای سه‌ركه‌وتن وگه‌شه‌كردنی زیاترتان بۆ ده‌خوازم.
له‌ ساڵانی ڕابردوودا "ئازادی لاوانی كوردستان" یه‌كێك له‌ كاریگه‌رترین و خزمه‌تكارترین رێكخراوی تایبه‌ت بووه‌ به‌ لاوان و هه‌میشه‌ پێشه‌نگی بیری نوێ و چالاكی نوێ و گه‌شه‌پێدانی ئه‌م توێژه‌ بووه‌ كه‌ هیوای ئێستاو ئاینده‌ی گه‌لی كوردن.
به‌هیوام ئه‌م ساڵیاده‌ ببێته‌ وێستگه‌یه‌كی گرنگ بۆ په‌ره‌پێدانی پڕۆگرامه‌ به‌سوده‌كانی پێگه‌یاندن و هوشیاركردنه‌وه‌ی لاوانی كوردو دۆزینه‌وه‌ی به‌هره‌و تواناكانیان و ئاراسته‌كردنیان بۆ ئاوه‌دانكردنه‌وه‌و خزمه‌تكردنی كوردستان و ئه‌ركی ئێمه‌شه‌ هاوكارو یارمه‌تیده‌ر بین.
دووباره‌ پیرۆز بێت ساڵیادی رێكخراوه‌كه‌تان و گه‌لی كورد چاوی له‌هیممه‌ت و جوامێری و تواناو شاره‌زای لاوانه‌و ئێوه‌ن سامانی راسته‌قینه‌ی وڵات و مایه‌ی شانازیی یه‌كێتی نیشتمانی كوردستان.
 
قوباد تاڵه‌بانی
جێگری سه‌رۆك وه‌زیران

PUKmedia تایبه‌ت