كام زه‌یتی زه‌یتون بۆ سوركردنه‌وه‌ نابێت ؟

.

زه‌یتی زه‌یتون به‌یه‌كێك له‌گرنگترین و باشترین جۆری زه‌یتی رووه‌كی هه‌ژمارده‌كرێت، چونكه‌ كۆمه‌ڵێك سودی زۆری هه‌یه‌ بۆ ته‌ندروستی مرۆڤ پسپۆرانی خۆراك ڕایان وایه‌ به‌ به‌رده‌وامی زه‌یتی زه‌یتون به‌كاربێت، به‌ڵام به‌پێی ڕێنمای سه‌لامه‌تی خۆراك، چونكه‌ زه‌یتی زه‌یتون هۆكاره‌ بۆ به‌هێزبوونی دڵ و ڕێگری كردن له‌نه‌خۆشی شه‌كره‌و جه‌ڵده‌ی ده‌ماغ و نه‌خۆشی زه‌هایمه‌ر (له‌بیر چوونه‌وه‌) و به‌رگری له‌ش بۆ ڕێگری له‌شێرپه‌نجه‌، كۆلسترۆڵی زیان به‌خش داده‌به‌زێنێت و هۆكاره‌ بۆ پێدانی كۆلسترۆڵی پێویست به‌ جه‌سته‌ی مرۆڤ .

به‌ڵام ئه‌وه‌ی گرنگه‌ زه‌یتی زه‌یتون دوو جۆری هه‌یه‌

جۆری یه‌كه‌م...
(Extra Virigin oil )
ئه‌مجۆره‌ بۆ خواردنه‌ سارده‌كان به‌كاربێت به‌تایبه‌تی زه‌ڵاته‌و مقبلات یان بۆ ئه‌و خۆراكانه‌ی پله‌ی گه‌رمی به‌رزیان پێویست نییه‌، هه‌روه‌ها به‌كارهێنانی ئه‌م جۆره‌ له‌ زه‌یتی زه‌یتون بۆ سوركردنه‌وه‌ زیان به‌ته‌ندروستی ده‌گه‌یه‌نێت، چونكه‌ به‌رگه‌ی پله‌ی گه‌رمی به‌رز ناگرێت بۆ ماوه‌یه‌كی زۆر نابێت پله‌ی گه‌رمی زه‌یتی زه‌یتون بۆ سه‌رو 120 م به‌رزبێته‌وه‌، چونكه‌ ده‌بێته‌ هۆی له‌ده‌ستدانی سوده‌كانی زه‌یته‌كه‌ و تێكچونی پێكهاته‌ی زه‌یته‌كه‌و پله‌ی ترشێتی ئه‌مه‌ش ده‌بێته‌ هۆی دروستبونی هایدرۆكسید و كیتۆنه‌كان و كحول ئه‌مه‌ش ده‌بێته‌ هۆی كه‌مبوونی مادده‌ی دژه‌ ئۆكسێنه‌كان و زیان به‌ ته‌ندروستی ده‌گه‌یه‌نێت بۆیه‌ نابێت ئه‌م جۆری زه‌یتی زه‌یتونه‌ بۆ سوركردنه‌وه‌ به‌كاربێت.

جۆری دووه‌م..
(pomace olive oil)
ئه‌م جۆره‌ به‌كاردێت بۆ سوركردنه‌وه‌
به‌رگه‌ی پله‌ی گه‌رمی ده‌گرێت
باشترین زه‌یته‌ بۆ ته‌ندروستی مرۆڤ

PUKmedia راگه‌یاندنی به‌ڕێوه‌به‌رایه‌تی ته‌ندروستی خۆراك