حه‌رامكردنی حه‌جی VIP ره‌تده‌كرێته‌وه‌

.

به‌ڕێوه‌به‌رایه‌تی گشتیی حه‌ج و عومره‌ی ھه‌رێم په‌یامێك ئاراسته‌ی ئه‌و ھاووڵاتییانه‌ ده‌كات كه‌ ده‌یانه‌وێت حه‌جی بازرگانی ئه‌نجامبده‌ن و ره‌تیشی ده‌كه‌نه‌وه‌ ئه‌و جۆره‌ حه‌جه‌ حه‌رامبێت.

له‌وباره‌یه‌وه‌ شێخ قاسم به‌رزنجی به‌ڕێوه‌به‌ری گشتیی حه‌ج و عومره‌ی ھه‌رێم به‌ PUKmedia ی راگه‌یاند: ساڵانه‌ له‌ڕێگه‌ی ده‌سته‌ی باڵای حه‌ج و عومره‌ی عیراق-ه‌وه‌، سعودیه‌ پشكی هه‌رێم له‌ حه‌جی بازرگانی كه‌ پێشی ده‌وترێت حه‌جی VIP دیاریده‌كات و ئه‌گه‌ر پێویستكا، ئێمه‌ش تیروپشكی بۆ ده‌كه‌ین.

وتیشی: ئه‌گه‌ر هاتوو ژماره‌ی پشكی بازرگانی له‌ ژماره‌ی پێشكه‌شكاران زیاتر یان له‌ یه‌ك ئاستدا بوو ئه‌وا پێویست به‌ تیروپشك ناكات، به‌ڵام ئه‌گه‌ر كه‌متر بوو ئه‌وا تیروپشكی بۆده‌كرێت و له‌ڕێگه‌ی ئه‌وه‌وه‌ ناوی پێشكه‌شكاران هه‌ڵده‌بژێردرێن.

 راشیگه‌یاند: وه‌ك به‌ڕێوه‌به‌رایه‌تی گشتیی حه‌ج و عومره‌ی ھه‌رێم، ھه‌موو ئه‌و بۆچونانه‌ ره‌تده‌كه‌ینه‌وه‌ گوایه‌ ئه‌و جۆری حه‌جكردنه‌ حه‌رامه‌، چونكه‌ له‌ھه‌موو وڵاتانی ئیسلامیدا حه‌جی بێ تیروپشك كه‌ زۆرجار به‌حه‌جی (VIP) ناسراوه‌ بوونی هه‌یه‌.

PUKmedia ژینه‌ر محه‌مه‌د