داوای به‌كارنه‌هێنانی كیپا له‌جوله‌كه‌كان ده‌كرێت

.

ده‌زگای روبه‌ڕووبونه‌وه‌ی ئازادانی جوله‌كه‌كانی ئه‌ڵمانیا، به‌هۆی به‌رزبوونه‌وه‌ی ئاماری هێرشكردنه‌ سه‌ر جوله‌كه‌كانی ئه‌و وڵاته‌ هۆشداری ده‌ده‌ن.

فلیكس كلاین به‌رپرسی ده‌زگای دژ به‌ئازاردانی جوله‌كه‌كان، له‌ئه‌ڵمانیا، رایگه‌یاندوه‌:" رێنمایی یه‌هودیه‌كانی دانیشتووی ئه‌ڵمانیا ده‌كه‌م، كه‌ له‌شوێنه‌ گشتیه‌كان كیپا، هه‌مان كڵاوی سونه‌تی تایبه‌ت به‌خۆیان به‌كار نه‌هێنن".

رونیشكردوه‌ته‌وه‌:" هاوكات ده‌بێت پۆلیسی ئه‌ڵمانیا زیاتر فێربكرێن و زانیاری یاساییان پێبدرێت، له‌به‌ر ئه‌وه‌ی به‌شی زۆری هێزه‌كانی پۆلیس زانیاری ئه‌وتۆیان له‌سه‌ر یاسا نیه‌".

فلیكس ئه‌وه‌شی وتووه‌:" ئاماری هێرشكردنه‌ سه‌ر هاووڵاتیان جوله‌كه‌ روویان له‌زیاتربوونه‌، زۆربه‌ی ئه‌و كه‌س و گروپانه‌ی به‌و كاره‌ هه‌ڵده‌سن، له‌ راسته‌توندڕه‌وه‌كانن و كێشه‌كانی نێوان ئیسرائیل و فه‌له‌ستین ده‌كه‌نه‌ بیانوو".

PUKmedia ئاژانسەكان