داعش هێرش دەکاتەوە سەر جوتیاران

.

تیرۆرستانی داعش هێرش دەکەنە سەر جوتیاران و بەروبومەکانیان دەسوتێنن و مەترسی بۆ سەر هاوڵاتیان دروست دەکەن.

رەشاد گەڵاڵی لێپرسراوی کۆمیتەی مەخمووری یەکێتی نیشتمانی کوردستان بە PUKmedia ی راگەیاند: شەوی رابردوو ٢٤-٥-٢٠١٩ تیرۆرستانی داعش لە ناوچەکانی نێوان تلول باج و جمیلە و شەرگات هێرشیان کردوەتە سەر جوتیاران و خاوەن دەراسەکان.

وتیشی: لە ئەنجامی ئەو هێرشە چوار هاوڵاتی کوژراون و دواتر ئاگریان لە دەغڵ و دانی جوتیاران بەرداوەو هەتا ئێستا ئاگرەکە کۆنترۆڵ نەکراوە.

ماوەیەکە تیرۆرستانی داعش لەو ناوچانە کە هێشتا بونیان هەیە هێرش دەکە سەر جوتیاران و بەروبومەکانیان دەسوتێنن و مەترسیان بۆ سەر ژیانی هاوڵاتیان دروستکردوە.

PUKmedia تایبەت